Atvinnutækifæri og uppbygging innviða

Dagur B. Eggertsson borgarstjóri mun fjalla um uppbyggingu atvinnuhúsnæðis og traustra innviða í Reykjavík út frá sjónarhóli Reykjavíkurborgar og skipulags.

Farið verður yfir stóru myndina varðandi uppbyggingu innviða og atvinnusköpun en þar eru víða jákvæð teikn á lofti þegar kemur að skapandi greinum, þróun verslunar og atvinnustarfsemi.

Á fundinum verður m.a. leitast við að svara eftirfarandi spurningum.

• Hvar verða helstu atvinnusvæðin í borginni í náinni framtíð?
• Er hægt að byggja upp öflugan tölvuleikjaiðnað í Reykjavík?
• Hvað er að gerast í jarðhitagarðinum?
• Er nægt atvinnuhúsnæði í miðborginni?

Fyrirlesarar úr atvinnulífinu fjalla um mikilvæg verkefni sem nú þegar eru orðin að veruleika og möguleikana sem þekking, reynsla og hugmyndaflug geta skapað til aukningar á útflutningstekjum og verðmætum störfum í borginni.

Í lok fundar verður áhugasömum boðið í vettvangsferð á þróunarreit í nágrenni Ráðhússins.

Fundurinn verður í Tjarnarsal, Ráðhúss Reykjavíkur, frá kl. 9 – 11. og í beinu streymi á vef Reykjavíkurborgar. 

Öll velkomin.

Dagskrá

Dóra Björt Guðjónsdóttir, formaður mannréttinda-, nýsköpunar- og lýðræðisráðs Reykjavíkur opnar fundinn

• Athafnaborgin: uppbygging innviða og atvinnuhúsnæðis, Dagur B. Eggertsson, borgarstjóri. ​
• Jarðhitagarður Orku náttúrunnar,Berglind Rán Ólafsdóttir, framkvæmdastýra Orku náttúrunnar.
• Tækifæri í tölvuleikjaiðnaði í Reykjavík, Þorsteinn Högni Gunnarsson forstjóri Mainframe
• Myndband - Athafnasvæði á Esjumelum heimsótt
• Hvar er ríkið að byggja í borginni?, Þröstur Söring, framkvæmdastjóri þróunar og framkvæmda hjá Framkvæmdasýslunni /Ríkiseignum.
• Heilbrigðisvísindagarðar rísa í Reykjavík, Bjargey Björgvinsdóttir, arkitekt og verkfræðingur hjá NLSH.
• Græni kassinn, Gunnar Dofri Ólafsson, samskipta og þróunarstjóri hjá Sorpu​.
• Landsbankinn í miðborginni - tækifæri, Halldóra Vífilsdóttir, arkitekt hjá Landsbankanum
• Myndband - Miðborgin á tímamótum
• Atvinnuhúsnæði í Kvosinni og nágrenni – staðan og tækifærin, Samúel Torfi Pétursson, skipulagsverkfræðingur hjá VSÓ.
• Atvinnu- og nýsköpunarstefna Reykjavíkur, Þórdís Lóa Þórhallsdóttir, formaður borgarráðs.

Fundarstjóri er Björg Magnúsdóttir fjölmiðlakona.​