Handbolti

Orri Freyr og Aron Dagur einum sigri frá fullkomnu tímabili

Hjörtur Leó Guðjónsson skrifar
Orri Freyr Þorkelsson skoraði tvö mörk í dag.
Orri Freyr Þorkelsson skoraði tvö mörk í dag. https://www.ostlendingen.no/

Arri Freyr Þorkelsson, Aron Dagur Pálsson og félagar þeirra í Elverum eru enn með fullt hús stiga þegar aðeins ein umferð er eftir af norsku deildinni í handbolta, en liðið vann fimm marka sigur gegn Kristiansand fyrr í dag, 38-33.

Heimamenn í Elverum áttu reyndar í stökustu vandræðum með gestina í fyrri hálfleik og þegar gengið var til búningsherbergja var staðan 19-16, Kristiansund í vil.

Norsku meistararnir snéru taflinu við í síðari hálfleik og léku á alls oddi. Þeir skoruðu 22 mörk á seinni 30 mínútum leiksins og unnu að lokum fimm marka sigur, 38-33.

Orri Freyr or Aron Dagur skoruðu tvö mörk hvor fyrir Elverum í dag, en liðið er fyrir löngu búið að tryggja sér norska deildarmeistaratitilinn. Elverum mætir Drammen, sem situr í öðru sæti deildarinnar, í lokaumferðinni eftir fimm daga og með sigri endar liðið með 52 stig af 52 mögulegum.

Norski handboltinn

Mest lesið


Fleiri fréttir

Sjá meira


×

Mest lesið