Sara Dögg segir Viðreisn í Garðabæ sækja fram með öflugt fólk sem starfar með frjálslyndi að leiðarljósi. Áhersla verði lögð á fjölskylduvænt, umhverfisvænt og fjölbreytt samfélag.
„Í öllum hverfum sveitarfélagsins eigum við að tryggja góða leik- og grunnskóla, gott aðgengi að íþrótta- og tómstundastarf og almenningssamgöngur. Við munum líka leggja áherslu á 15 mínútna hverfaskipulag, þar sem mannlíf með atvinnutengdri þjónustu blómstrar,” segir Sara Dögg, nýr oddviti Viðreisnar í Garðabæ.
Guðlaugur Kristmundsson, markaðsstjóri, skipar annað sæti á listanum og í þriðja sæti er Rakel Steinberg Sölvadóttir, frumkvöðull. Í fjórða sæti er Árni Björn Kristjánsson, aðstoðarmaður fasteignasala, og í því fimmta er Ásta Sigríður Guðjónsdóttir, verkefnastjóri stafrænna miðla.
Að því er kemur fram í tilkynningu um málið var mikill áhugi fyrir að starfa með listanum en alls er listi Viðreisnar í Garðabæ skipaður 22 einstaklingum. Listann í heild sinni má finna hér fyrir neðan.
1. Sara Dögg Svanhildardóttir, bæjarfulltrúi
2. Guðlaugur Kristmundsson, markaðsstjóri
3. Rakel Steinberg Sölvadóttir, frumkvöðull
4. Árni Björn Kristjánsson, aðstoðarmaður fasteignasala
5. Ásta Sigríður Guðjónsdóttir, verkefnastjóri stafrænna miðla
6. Arnar Hólm Einarsson, fræðslustjóri rafíþróttasambands Íslands
7. Ásta Leonhards, viðskiptafræðingur
8. Benedikt D Valdez Stefánsson, hugvirki
9. Tinna Borg Arnfinnsdóttir, viðskiptafræðingur
10. Ólafur G. Skúlason, skurðhjúkrunarfræðingur
11. Tamar Lipka Þormarsdóttir, lögfræðingur
12. Svanur Þorvaldsson, ráðgjafi
13. Heiðrún Sigurðardóttir, viðskiptafræðingur
14. Gunnar Júlíusson, grafískur hönnuður
15. Dagný Fjóla Ómarsdóttir, ferðamála- og alþjóðaviðskiptafræðingur
16. Jón Bjarni Steinsson, veitingamaður
17. Dagný Sigurbjörg Jónsdóttir, lyfjafræðingur
18. Eyþór Eðvarðsson, stjórnendaráðgjafi
19. Margrét Rósa Kristjánsdóttir, lyfjafræðingur
20. Ólafur Örn Ólafsson, veitingamaður
21. Íris Sigtryggsdóttir, viðskiptafræðingur
22. Thomas Möller, verkfræðingur.
