Þénar marga milljarða á ÓL í Kína en er kölluð svikari í Bandaríkjunum

Það sem gerir hana þó umdeildari en nokkuð annað er að fimmtán ára gömul hætti hún að keppa fyrir Bandaríkin, þar sem hún er fædd og uppalin, og ákvað að keppa frekar fyrir Kína. Kaliforníustelpan ákvað það árið 2019 að keppa fyrir Kína á heimavelli á næstu Ólympíuleikum.

Mamma hennar er frá Kína en faðir hennar er bandarískur. Gu fékk góða hjálp við að taka þessa stóru ákvörðun því það hefur skilað henni hundruðum milljóna í tekjur.

Andlit Eileen Gu er alls staðar í Kína. Á stórum auglýsingaspjöldum upp á stórum byggingum, í sjónvarpsauglýsingum, á kreditkortum og á kaffibollum. Hún er andlit leikanna í Kína.

Kínverjar kalla hana Snjóprinsessuna og hún er mjög heit á auglýsingamarkaðnum enda ung og gullfalleg auk þess að vera heimsklassa íþróttakona.

Að sama skapi hefur hún lent mitt á milli í milliríkjadeilu stórveldanna Bandaríkjanna og Kína. Að mati Bandaríkjamanna átti hún að vera skila þeim verðlaunum á leikunum en ekki Kína.

Hún talar sjálf um það að henni líði eins og hún sé bandarísk þegar hún er í Bandaríkjunum og eins og hún sé kínversk þegar hún er í Kína. Gu segist líka vera að reyna að bæta tengslin á milli þjóðanna og reyna að hrífa með sér fjölda kínverskra stelpna til að sunda íþróttina sína.

Allt og gott og blessað með það. Það er hins vegar sú staðreynd að Gu forðast það að tala eða svara spurningum um mannréttindabrot eða pólitíkina í Kína. Það eru þessi illa virtu mannréttindi íbúa landsins sem hafa orsakað það að fjölmargir þjóðarleiðtogar heimsins mættu ekki á leikana eins og venjan er.

Bandaríkjamenn kalla hana svikara og hún hefur fengið morðhótanir á netinu. Gu hefur margoft verið spurð út í mannréttindabrotin á leikunum en hefur aldrei svarað.

„Ég er bara ung stelpa sem er að njóta lífsins og lifa lífinu,“ sagði Gu á síðasta fundi. Á sama tíma þvertók hún fyrir það að hafa selt sálu sína eða að hún vilji ekki lengur sjá lýðræðisþjóðfélög.

Hún getur þó aldrei falið sig fyrir því að þessi ákvörðun var fyrst og fremst peningalegs eðlis.

Endurskoðunarfélagið CBNData hefur reiknað það út að Gu hafi á árinu haft tæpa fjóra milljarða króna í tekjur af því að vera sendiherra í Kína fyrir meira en tuttugu mismunandi fyrirtæki.

Síðan hún vann gullið sitt í síðustu vikur hafa kínverskir samfélagsmiðlar verið uppfullir af myndum og myndböndum af henni. Svo miklar voru vinsældirnar að samfélagsmiðillinn Weibo hrundi tímabundið þar sem sigurmyndband hennar fékk meira en þrjú hundruð milljónir áhorfa.

Fylgjendur hennar á kínverskum miðlum hafa meira en tvöfaldast á einni viku og eru nú fimm milljónir en það er ekkert lát á því að fleiri bætist í hópinn.

Það fylgir sögunni að Eileen Gu er ekki bara gullfalleg og hæfileikarík á skíðum. Hún er líka eldklár sem hún sýndi með að klára menntaskólann mikið til í fjarnámi og fá inngöngu í Stanford háskólann.

Hún á eftir að keppa í hálfpípunni og þar er hún líka sigurstrangleg. Hún gæti því unnið fleiri verðlaun á þessum leikum og aukið hróður sinn enn frekar.