Standa ekki lengur við fjárhagsskýrslur fyrirtækis Trumps

Þetta kemur fram í gögnum sem ríkissaksóknari New York, Letitia James, skilaði inn til dómstóla á dögunum en hún freistar þess nú að taka skýrslur af börnum Trump til að upplýsa um ákveðna þætti rannsóknar sinnar á Trump-fjármálaveldinu.

Að því er fram kemur í yfirlýsingu Mazar til Trump Org. segir að í ljósi upplýsinga frá saksóknaraembættinu, eigin innri rannsókn og upplýsinga sem fyrirtækinu hafa borist innan og utan frá, sé ljóst að ekki sé lengur hægt að reiða sig á það sem fram kemur í ársskýrslunum.

Þessar skýrslur sem um ræðir eru frá 2011 til 2020.

Þá tilkynntu forsvarsmenn Mazars Trump fyrr í mánuðinum að fyrirtækið væri hætt störfum fyrir forsetann fyrrverandi.

Í frétt New York Times segir að um mikið högg fyrir Trump Org. sé að ræða. Áður hafi önnur fyrirtæki, eins og bankar, tryggingafélög og lögmannastofur slitið tengsl sín við Trump. 

Skýrslunar byggðu á upplýsingum sem fyrirtækið fékk frá Trump og Trump Org. Þær voru grundvöllur lánveitinga em Jones rannsakar hvort Trump hafi beitt sviksömum og villandi leiðum til að fá lán og greiða lægri skatta.

Sjá einnig: Segj­ast hafa um­tals­verð sönn­un­ar­gögn um lög­brot

Rannsókn Letitia James, ríkissaksóknara, er ekki glæparannsókn og finni hún vísbendingar um að brot hafi verið framin getur hún höfðað mál. Umdæmasaksóknari Manhattan er þó einnig með fyrirtæki Trumps til rannsóknar en sú rannsókn er glæparannsókn og kemur Letitia James einnig að henni.

Báðar rannsóknirnar á Trump og fyrirtæki hans beinast að því hvernig Trump hafi verðmetið eignir sínar í gegnum árin. Þær snúa að því hvort Trump hafi blekkt banka og skattyfirvöld um raunveruleg verðmæti eigna fyrirtækisins. Hann hafi ýmist ýkt virði þeirra til að fá hagstæðari lán eða gert lítið úr þeim til að komast hjá skattgreiðslum.