Lést þegar flutninga­bíll valt af veginum austan við Kirkju­bæjar­klaustur

Fréttablaðið sagði fyrst frá málinu en í tilkynningu á vef lögreglunnar segir að slysið hafi orðið um klukkan 00:40 í nótt. 

„Farþegi í bílnum lést en ökumaður er óslasaður. Ofsaveður var á vettvangi, á tíðum ekki stætt í hviðum og varð tjón á björgunartækjum þegar rúður fuku úr þeim. Einungis björgunarstörf voru því unnin á vettvangi en hann síðan yfirgefinn og verður unnið að vettvangsrannsókn í dag eftir því sem veður gengur niður. 

Að henni koma, auk lögreglu á Suðurlandi, tæknideild Lögreglunnar á höfuðborgarsvæðinu og Rannsóknarnefnd samgönguslysa og eru þessir aðilar á leið á vettvang til þeirrar vinnu. Ekki er unnt að veita frekari upplýsingar um málið eða rannsókn þess að sinni,“ segir í tilkynningunni.

Fréttin hefur verið uppfærð.