Tveir Arsenal menn tilnefndir sem besti leikmaður desember

Enginn leikmaður Liverpool er tilnefndur að þessu sinni en Chelsea, Tottenham og Leicester City eiga öll fulltrúa á þessum sjö manna lista.

Arsenal mennirnir sem eru tilnefndir eru Gabriel Martinelli og Martin Odegaard. Martinelli var með þrjú mörk og tvær stoðsendingar í desember en Norðmaðurinn var með þrjú mörk og þrjár stoðsendingar. Arsenal liðið vann fjóra leiki í mánuðinum.

Manchester City mennirnir Raheem Sterling (5 mörk, 1 stoðsending) og Joao Cancelo eru báðir tilnefndir en hinir eru James Maddison hjá Leicester, Mason Mount hjá Chelsea og Son Heung-min hjá Tottenham.

Þeir sem koma til greina sem besti knattspyrnustjóri mánaðarins eru þeir Mikel Arteta hjá Arsenal, Antonio Conte hjá Tottenham, Pep Guardiola hjá Manchester City og Jürgen Klopp hjá Liverpool.