Grindavík
Keflavík
Njarðvík
Haukar
Þór Þorl.
Stjarnan
Álftanes
Tindastóll
21 sjúklingur liggur nú inni á Landspítala vegna Covid-19. Sex eru á gjörgæslu og eru fimm þeirra í öndunarvél.
Þetta kemur fram í tilkynningu á vef Landspítalans. Staðan á Landspítala í gær var á þá leið að 21 var inniliggjandi vegna Covid-19 og þar af fjórir á gjörgæslu og þrír í öndunarvél.
Meðalaldur inniliggjandi á Landspítala er nú sextíu ár.
5.834 sjúklingar eru á Covid-göngudeild spítalans, þar af 1.262 börn.
Frá upphafi fjórðu bylgju, 30. júní 2021, hafa verið 256 innlagnir vegna Covid-19 á Landspítala.
Framkvæmdastjóri meðferðarsviðs Landspítala segir að flestir sem liggi inni á spítala séu veikir af völdum delta-afbrigðis kórónuveirunnar. Rúm áttatíu prósent smitaðra síðustu daga hafa greinst með ómíkron-afbrigði veirunnar en þrír sem greinst hafa með afbrigðið hafa þurft á spítalainnlögn að halda. 21 er inniliggjandi á Landspítala vegna kórónuveirunnar.
