Erlent

Pútín ítrekar kröfur gagnvart Austur-Evrópu

Heimir Már Pétursson skrifar
Joe Biden Bandaríkjaforseti og Vladimír Pútín Rússlandsforseti hittust fyrr á þessu ári. Fyrirhugað er að þeir fundi á ný í janúar um stöðu Úkraínu en Rússar hafa sett fram kröfur gagnvart NATO ríkjum sem áður tilheyrðu austurblokkinni sem verða að teljast óaðgengilegar.
Joe Biden Bandaríkjaforseti og Vladimír Pútín Rússlandsforseti hittust fyrr á þessu ári. Fyrirhugað er að þeir fundi á ný í janúar um stöðu Úkraínu en Rússar hafa sett fram kröfur gagnvart NATO ríkjum sem áður tilheyrðu austurblokkinni sem verða að teljast óaðgengilegar. Getty/Peter Klaunzer

Forseti Úkraínu vonar að endurnýjað vopnahlé frá því fyrr á þessu ári nái að draga úr spennu í samskiptunum við Rússa sem hafa verið á suðumarki undanfarin misseri. Pútín Rússlandsforseti ítrekaði kröfur sínar um afvopnum NATO ríkja í austri á árlegum marþonfundi með fréttamönnum í dag.

Forseti Úkraínu greindi frá því í dag að friðarsamkomulag sem gert var fyrr á árinu milli uppreisnarmanna í Donbas héraði í austurhluta Úkraínu sem studdir eru af Rússum hafi verið endurnýjað. Það gæfi von um slökun í samskiptunum við Rússa sem og samskiptum Rússa og NATO. En leiðtogafundur forseta Bandaríkjanna og Rússlands er fyrirhugaður í janúar.

Vladimír Pútín Rússlandsforseti hélt sinn árlega maraþonfund með fréttamönnum í dag þar sem hann varaði NATO ríkin við því sem hann kallar útþenslustefnu í austri.

„Við segjum hreint út: Það má engin frekari úrþennsla eiga sér stað á vegum NATO til austur. Hvað er það sem menn skilja ekki,“ spurði Pútín á fréttamannafundinum. Rússar hefðu ekki sett upp eldflaugar við landamærin að Bandaríkjunum eins og Bandaríkin hefðu gert í Póllandi og Rúmeníu, sem hvor tveggja eru fullvalda NATO ríki.

Vladimír Pútín forseti Rússlands heldur árlega maraþon fund með fréttamönnum.AP/Alexander Zemlianichenko

Pútín hefur hins vegar sent um hundrað þúsund hermenn að landamærunum að Úkraínu. Hann gagnrýnir að Bandaríkin sjái stjórnarher Úkraínu fyrir vopnum eins og eldflaugum sem geta grandað skriðdrekum og úkraínskir hermenn æfðu sig með á dögunum.

Rússlandsforseti krefst þess að vestrænar NATO hersveitir verði kallaðar frá Eystrasaltsríkjunum og Póllandi sem eru aðildarríki að Atlantshafsbandalaginu. Þá krefst hann þess að NATO útiloki að Úkraína fái nokkru sinni aðild að bandalaginu.

Heimsmynd Pútíns byggir á tímum kalda stríðsins þegar Sovétríkin voru samveldi fjölda ríkja sem sum hver eru komin í annað hvort eða bæði Evrópusambandið og NATO. Hann lítur á gömlu austur evrópuríkin sem áhrifasvæði Rússlands og vill ráðskast með stefnu þeirra.

 Volodymyr Zelenskyy forseti Úkraínu vill fá skýra og tímasetta áætlun frá NATO varðandi ósk Úkraínu um að ganga í bandalagið. Pútín Rússlandsforseti má hins vegar ekki til þess hugsa að enn eitt austur Evrópuríkið gangi í NATO.AP/forsetaembætti Úkraínu

Volodymyr Zelenskyy forseti Úkraínu ítreakaði aftur á móti stefnu í fyrradag stjórnvalda í Úkraínu í fyrradag.

„Við viljum koma friðarferlinu í Donbas aftur af stað eiins fljótt og verða má. Endurheimta Krímskaga, fá aðild að Evrópusambandinu á næstu árum og fá mjög skýra og nákvæmt tímasetta áætlun frá NATO. Og við viljum að þetta gerist árið 2022,“ segir Zelenskyy.

Afar bágborið ástand er í austurhéruðum Úkraínu. Rússneskir hermenn hafa barist þar með uppreisnarmönnum gegn stjórnarher Úkraínu frá árinu 2014 þegar Rússar innlimuðu Krímskaga.

Rússland Úkraína NATO Bandaríkin Joe Biden

Tengdar fréttir

Segir Rússa tilbúna í átök

Vladimír Pútín, forseti Rússlands, segir ríkisstjórn sína tilbúna til hernaðarátaka sýni vesturveldin óvinveittar aðgerðir vegna Úkraínudeilunnar. Pútín hefur lengi sakað Bandaríkin og Atlantshafsbandalagið um að valda aukinni spennu nærri landamærum Rússlands.

Þorgerður Katrín segir hættulegt að verða við kröfum Rússa

Formaður Viðreisnar sem jafnframt situr í utanríkismálanefnd segir að engin ein aðildarþjóð Atlantshafsbandalagsins geti ákveðið viðbrögð þess ef Rússar ráðast inn í Úkraínu. En breski varnarmálaráðherrann segir ósennilegt að NATO myndi senda hersveitir þangað Úkraínumönnum til varnar ef til innrásar kæmi.

Rússar krefjast þess að NATO hverfi frá austur Evrópu

Á sama tíma og rússneski herinn er grár fyrir járnum við landamærin að Úkraínu krefjast Rússar þess að NATO herir megi nánast ekki athafna sig í bandalagsríkjum Atlantshafsbandalagsins í austur Evrópu. Úkraínumenn vilja hins vegar kasta sovéttímanum á öskuhauga sögunnar.

Mest lesið


Fleiri fréttir

Sjá meira


×

Mest lesið