Jólaleikjum frestað í ensku úrvalsdeildinni

Ákvörðunin um að fresta leikjunum var tekin í samráði við ensku úrvalsdeildina. Í tilkynningu á Twitter-reikningi Liverpool kemur fram að fjöldi kórónuveirusmita hafi greinst í herbúðum Leeds, og á Twitter-reikningi Wolves er sagt frá því að andstæðingar þeirra hafi farið fram á að leiknum yrði frestað.

Enn sem komið er eru þetta einu tveir leikirnir sem áttu að fara fram á öðrum degi jóla í ensku úrvalsdeildinni sem hefur verið frestað. Báðir áttu þeir að hefjast klukkan 12:30.