Sport

Dagskráin í dag: HM í pílukasti og enski deildarbikarinn

Hjörtur Leó Guðjónsson skrifar
Brendan Rodgers mætir með lærisveina sína í Leicester á kunnuglegar slóðir er liðið mætir Liverpool í enska deildarbikarnum í kvöld, en Rodgers var þjálfari Liverpool á árunum 2012-2015.
Brendan Rodgers mætir með lærisveina sína í Leicester á kunnuglegar slóðir er liðið mætir Liverpool í enska deildarbikarnum í kvöld, en Rodgers var þjálfari Liverpool á árunum 2012-2015. Michael Regan/Getty Images

Sportrásir Stöðvar 2 bjóða upp á fimm beinar útsendingar í dag. Tvær úr heimi pílukastsins og þrjár úr enska deildarbikarnum í fótbolta.

Fyrstu umferð heimsmeistaramótsins í pílukasti lauk í gær og því eru allar viðureignir dagsins hluti af annarri umferð. Fyrri útsending dagsins hefst klukkan 12:30 á Stöð 2 Sport 3 og sú síðari klukkan 19:00.

 Þá eru þrír leikir á dagskrá í átta liða úrslitum enska deildarbikarsins í fótbolta, en útsendingarnar hefjast allar klukkan 19:40.

Á Stöð 2 Sport taka nýliðar ensku úrvalsdeildarinnar, Brentford, á móti Chelsea, Liverpool og Leicester eigast við á Stöð 2 Sport 2 og á Stöð 2 Sport 4 tekur Tottenham á móti West Ham í Lundúnaslag.

Dagskráin í dag

Mest lesið


Fleiri fréttir

Sjá meira


×

Mest lesið