Leeds fær sekt fyrir að hópast í kringum dómarann

Sektin samsvarar tæplega þrem og hálfri milljón íslenskra króna, en leikmenn Leeds misstu stjórn á skapi sínu þegar Chris Kavanagh, dómari leiksins, dæmdi vítaspyrnu í uppbótartíma. Þetta var þriðja vítaspyrna leiksins, og sú önnur sem dæmd var á Leeds, en Jorginho tryggði Chelsea sigurinn úr umræddri vítaspyrnu.

Gengi Leeds hefur ekki verið upp á marga fiska á yfirstandandi tímabili, en liðið situr í 16. sæti ensku úrvalsdeildarinnar með 16 stig eftir 18 leiki, fimm stigum fyrir ofan fallsvæðið.

Í yfirlýsingu frá enska knattspyrnusambandinu kemur fram að Leeds viðurkenni að leikmenn liðsins hafi ekki hegðað sér eins og ætlast er til af þeim þegar þeir umkringdu dómara leiksins.