Lækna-Tómas hundskammar Áslaugu Örnu og Þórdísi Kolbrúnu Jakob Bjarnar skrifar 11. nóvember 2021 13:35 Tómas lýsir yfir neyðarástandi á Landspítala og hundskammar þá ráðamenn sem talað hafa fyrir auknum afléttingum á sóttvarnarráðstöfðunum. Ljóst er að spjótin beinast meðal annars að Þórdísi Kolbrúnu og Áslaugu Örnu, ráðherrum Sjálfstæðisflokksins. vísir/vilhelm „Nær daglega heyrast neyðaróp frá bráðamóttöku spítalans, þar sem ástandið er fyrir löngu orðið algjörlega óboðlegt, bæði fyrir sjúklinga og starfsfólk. Á gjörgæsludeildum spítalans er ástandið ekki síður alvarlegt, og nálgast neyðarástand.“ Svo segir í grein sem Tómas Guðbjartsson yfirlæknir á skurðsviði LSH og prófessor við læknadeild HÍ og birtir á Vísi. Greinin hefur vakið mikla athygli enda skefur læknirinn ekki af því. Hann segir sumar lykildeildir Landspítala séu hægt og sígandi að sökkva í sæ; netið sé komið í skrúfuna. „Báðar gjörgæsludeildir spítalans hafa verið fullar upp í rjáfur svo vikum skiptir, ekki aðeins af Covid-sjúklingum heldur einnig öðrum lífshættulega veikum sjúklingum. Af þessum sökum hefur ekki verið hægt að framkvæma neinar opnar hjartaaðgerðir í rúmlega tvær vikur á einu hjartaskurðdeild landsins. Það er einskær heppni að engir sjúklingar hafa komið brátt inn og þurft á lífsbjargandi aðgerð að halda á þessum tíma.“ Hvernig stendur á lakari stöðu en var fyrir 12 árum? Að sögn Tómasar, sem á stundum er kallaður Lækna-Tómas til aðgreiningar frá öðrum þekktum nöfnum sínum, hafi á sama tíma hlaðist upp biðlisti af alvarlega hjartveikum sjúklingum sem bíða aðgerðar, flestir kransæðahjáveituaðgerðar eða hjartalokuskipta. Um er að ræða sjúklinga sem mega margir afar illa við bið eftir aðgerð. Staðan sé óásættanleg fyrir sjúklinga, aðstandendur og starfsfólk spítalans. Tómas spyr hvernig á því standi að fyrir 12 árum hafi verið 18 gjörgæslupláss á Landspítalanum en aðeins 14 nú? „Á sama tímabili hefur legurýmum á Landspítala fækkað um fjórðung, þrátt fyrir aukinn fjölda aldraðra og gríðarlega aukningu í fjölda erlendra ferðamanna.“ Læknirinn vill meina að leysa megi hluta vandans með bættum launakjörum hjúkrunarfræðinga og sjúkraliða sérstaklega á gjörgæsludeildum og bráðamóttöku. Þannig sé unnt að fá aftur til starfa fullmenntað starfsfólk sem leitað hefur í önnur störf utan spítalans. Nýlegar eingreiðslur til starfsmanna sem klæðast Covid-hlífðarbúningi við störf sín dugi engan veginn til þó ágætar væru fyrir sinn hatt. Stöku ráðherrar sem vilja afnema takmarkanir Kyrrstaðan sé óásættanleg og ríkisstjórnarviðræður í hægagangi og kosningar í Norðvesturkjördæmi í uppnámi bæti ekki úr skák. Tómas segir óljóst hver verði næsti heilbrigðisráðherra og forstjórinn sé hættur. Þá beinir hann spjótum sínum að ráðamönnum og ljóst að þar eru ekki síst ráðherrar Sjálfstæðisflokksins, þær Áslaug Arna Sigurbjörnsdóttir og Þórdís Kolbrún Reykfjörð Gylfadóttir sem mega sitja undir skömmum en þær hafa báðar, einkum Áslaug, talað fyrir því að nú sé nóg komið með kvaðir sem fylgja sóttvörnum: „Á sama tíma og þessi alvarlega staða er uppi, þá hrópa stöku ráðherrar og alþingismenn á torgum hversu brýnt það sé að afnema allar takmarkanir – sem fyrir okkur sem stöndum vaktina á gólfinu á Landspítala er eins og að sparka í liggjandi mann, mann sem er blæðandi,“ segir Tómas og dregur ekki af sér við að lýsa stöðunni eins og hún horfir við honum. Faraldur kórónuveiru (COVID-19) Samkomubann á Íslandi Heilbrigðismál Landspítalinn Alþingi Ríkisstjórn Katrínar Jakobsdóttur Mest lesið „Af hverju ertu svona í framan?“ Innlent Alelda bíll á Reykjanesbraut Innlent Safnaði í bálköst innandyra en kennir stundarbrjálæði um íkveikjuna Innlent Tætir í sig leikskólaplan borgarinnar: Segir Reykjavík taka skref aftur á bak Innlent „Algjörlega alveg út í hött“ Innlent Var að streyma á TikTok þegar hann féll til jarðar og lést Erlent Skipar Ísraelum að hætta að sprengja Erlent Umferðin færist inn á íbúðagötur Innlent Göngu- og hjólabrýr yfir Elliðaár opnast Innlent Diddy í fimmtíu mánaða fangelsisvist Erlent Fleiri fréttir Boða íbúafundi vegna mögulegrar sameiningar sveitarfélaganna Alelda bíll á Reykjanesbraut Framkvæmdirnar komi eftir ákall frá íbúum Safnaði í bálköst innandyra en kennir stundarbrjálæði um íkveikjuna Skrítin afstaða BSRB og ASÍ Tekist á um leikskólamál og árásir á Gasa Umfangsmikil flugslysaæfing á Reykjavíkurflugvelli Tætir í sig leikskólaplan borgarinnar: Segir Reykjavík taka skref aftur á bak Rannsaka mögulega stunguárás Göngu- og hjólabrýr yfir Elliðaár opnast „Af hverju ertu svona í framan?“ „Algjörlega alveg út í hött“ Umferðin færist inn á íbúðagötur Andar sem eru ekki hér en voru í myndinni þeir sveima og fylgjast með Dugar ekki lengur að dorga og nú þurfi að kasta út neti Vann á öllum deildum leikskólans Segja Rússa heyja stríð við Vesturlönd og síðustu ævidagarnir á Grund „Kópavogsmódelið er ekkert annað en þjónustuskerðing“ Nýsestur á skrifstofunni þegar hann fékk bíl í flasið Starfsmaður á Brákarborg grunaður um kynferðisbrot Fresta framkvæmdum vegna veðurs Sýnist komið að seinni hluta í eldsumbrotum í Sundhnúksgígaröðinni Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Tillögurnar í leikskólamálum séu vonbrigði og uppgjöf Jörð skelfur í Krýsuvík og Þjóðaröryggisráð fundaði í morgun Fólk að bugast þar til hætt var að manna vaktir á föstudögum Snorri etur kappi við Bergþór og Ingibjörgu Hafnaði kæru Sameindar vegna Konukots í Ármúla Sjá meira
Svo segir í grein sem Tómas Guðbjartsson yfirlæknir á skurðsviði LSH og prófessor við læknadeild HÍ og birtir á Vísi. Greinin hefur vakið mikla athygli enda skefur læknirinn ekki af því. Hann segir sumar lykildeildir Landspítala séu hægt og sígandi að sökkva í sæ; netið sé komið í skrúfuna. „Báðar gjörgæsludeildir spítalans hafa verið fullar upp í rjáfur svo vikum skiptir, ekki aðeins af Covid-sjúklingum heldur einnig öðrum lífshættulega veikum sjúklingum. Af þessum sökum hefur ekki verið hægt að framkvæma neinar opnar hjartaaðgerðir í rúmlega tvær vikur á einu hjartaskurðdeild landsins. Það er einskær heppni að engir sjúklingar hafa komið brátt inn og þurft á lífsbjargandi aðgerð að halda á þessum tíma.“ Hvernig stendur á lakari stöðu en var fyrir 12 árum? Að sögn Tómasar, sem á stundum er kallaður Lækna-Tómas til aðgreiningar frá öðrum þekktum nöfnum sínum, hafi á sama tíma hlaðist upp biðlisti af alvarlega hjartveikum sjúklingum sem bíða aðgerðar, flestir kransæðahjáveituaðgerðar eða hjartalokuskipta. Um er að ræða sjúklinga sem mega margir afar illa við bið eftir aðgerð. Staðan sé óásættanleg fyrir sjúklinga, aðstandendur og starfsfólk spítalans. Tómas spyr hvernig á því standi að fyrir 12 árum hafi verið 18 gjörgæslupláss á Landspítalanum en aðeins 14 nú? „Á sama tímabili hefur legurýmum á Landspítala fækkað um fjórðung, þrátt fyrir aukinn fjölda aldraðra og gríðarlega aukningu í fjölda erlendra ferðamanna.“ Læknirinn vill meina að leysa megi hluta vandans með bættum launakjörum hjúkrunarfræðinga og sjúkraliða sérstaklega á gjörgæsludeildum og bráðamóttöku. Þannig sé unnt að fá aftur til starfa fullmenntað starfsfólk sem leitað hefur í önnur störf utan spítalans. Nýlegar eingreiðslur til starfsmanna sem klæðast Covid-hlífðarbúningi við störf sín dugi engan veginn til þó ágætar væru fyrir sinn hatt. Stöku ráðherrar sem vilja afnema takmarkanir Kyrrstaðan sé óásættanleg og ríkisstjórnarviðræður í hægagangi og kosningar í Norðvesturkjördæmi í uppnámi bæti ekki úr skák. Tómas segir óljóst hver verði næsti heilbrigðisráðherra og forstjórinn sé hættur. Þá beinir hann spjótum sínum að ráðamönnum og ljóst að þar eru ekki síst ráðherrar Sjálfstæðisflokksins, þær Áslaug Arna Sigurbjörnsdóttir og Þórdís Kolbrún Reykfjörð Gylfadóttir sem mega sitja undir skömmum en þær hafa báðar, einkum Áslaug, talað fyrir því að nú sé nóg komið með kvaðir sem fylgja sóttvörnum: „Á sama tíma og þessi alvarlega staða er uppi, þá hrópa stöku ráðherrar og alþingismenn á torgum hversu brýnt það sé að afnema allar takmarkanir – sem fyrir okkur sem stöndum vaktina á gólfinu á Landspítala er eins og að sparka í liggjandi mann, mann sem er blæðandi,“ segir Tómas og dregur ekki af sér við að lýsa stöðunni eins og hún horfir við honum.
Faraldur kórónuveiru (COVID-19) Samkomubann á Íslandi Heilbrigðismál Landspítalinn Alþingi Ríkisstjórn Katrínar Jakobsdóttur Mest lesið „Af hverju ertu svona í framan?“ Innlent Alelda bíll á Reykjanesbraut Innlent Safnaði í bálköst innandyra en kennir stundarbrjálæði um íkveikjuna Innlent Tætir í sig leikskólaplan borgarinnar: Segir Reykjavík taka skref aftur á bak Innlent „Algjörlega alveg út í hött“ Innlent Var að streyma á TikTok þegar hann féll til jarðar og lést Erlent Skipar Ísraelum að hætta að sprengja Erlent Umferðin færist inn á íbúðagötur Innlent Göngu- og hjólabrýr yfir Elliðaár opnast Innlent Diddy í fimmtíu mánaða fangelsisvist Erlent Fleiri fréttir Boða íbúafundi vegna mögulegrar sameiningar sveitarfélaganna Alelda bíll á Reykjanesbraut Framkvæmdirnar komi eftir ákall frá íbúum Safnaði í bálköst innandyra en kennir stundarbrjálæði um íkveikjuna Skrítin afstaða BSRB og ASÍ Tekist á um leikskólamál og árásir á Gasa Umfangsmikil flugslysaæfing á Reykjavíkurflugvelli Tætir í sig leikskólaplan borgarinnar: Segir Reykjavík taka skref aftur á bak Rannsaka mögulega stunguárás Göngu- og hjólabrýr yfir Elliðaár opnast „Af hverju ertu svona í framan?“ „Algjörlega alveg út í hött“ Umferðin færist inn á íbúðagötur Andar sem eru ekki hér en voru í myndinni þeir sveima og fylgjast með Dugar ekki lengur að dorga og nú þurfi að kasta út neti Vann á öllum deildum leikskólans Segja Rússa heyja stríð við Vesturlönd og síðustu ævidagarnir á Grund „Kópavogsmódelið er ekkert annað en þjónustuskerðing“ Nýsestur á skrifstofunni þegar hann fékk bíl í flasið Starfsmaður á Brákarborg grunaður um kynferðisbrot Fresta framkvæmdum vegna veðurs Sýnist komið að seinni hluta í eldsumbrotum í Sundhnúksgígaröðinni Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Tillögurnar í leikskólamálum séu vonbrigði og uppgjöf Jörð skelfur í Krýsuvík og Þjóðaröryggisráð fundaði í morgun Fólk að bugast þar til hætt var að manna vaktir á föstudögum Snorri etur kappi við Bergþór og Ingibjörgu Hafnaði kæru Sameindar vegna Konukots í Ármúla Sjá meira