Dagskráin í dag: Olís-deild kvenna, NBA og rafíþróttir

Dagurinn byrjar snemma, en klukkan 08:00 hefst fyrsta útsending frá PGL Major Stockholm 2021 á Stöð 2 eSport. Keppt er í CS:GO á þessu stóra rafíþróttamóti, en næsta útsending hefst svo klukkan 09:15.

Þriðja útsendingin frá PGL Major Stockholm 2021 hefst klukkan 10:30, sú fjórða klukkan 15:30 og sú fimmta og seinasta klukkan 16:45.

Heimsmeistaramótið í League of Legends nær að troða sér á milli, en undanúrslitin hefjast í dag. Bein útsending frá Laugardalshöllinni hefst klukkan 12:00 á Stöð 2 eSport, en í dag mætast ríkjandi heimsmeistarar í DWG KIA og gamla stórveldið T1.

Enska 1. deildin er á sínum stað, en klukkan 11:25 mætast Fulham og WBA á Stöð 2 Sport 2.

Þá er einn leikur á dagskrá í Olís-deild kvenna þegar ÍBV og Stjarnan eigast við klukkan 14:50 á Stöð 2 Sport.

Bermuda Championship á PGA-mótaröðinni heldur áfram klukkan 17:00 á Stöð 2 Golf, áður en NBA-deildin leiðir okkur inn í nóttina með viðureign Washington Wizards og Boston Celtics á Stöð 2 Sport 2 klukkan 21:00.