Frá þessu er greint á Facebook síðu Vals, en Mist gekk í raðir Hlíðarendaliðsins árið 2011 og hefur verið lykilmaður í liðinu síðan.
Mist er 31 árs og á að baki yfir 200 leiki í öllum keppnum með félagsliðum sínum. Þá á hún einnig að baki 13 A-landsliðsleiki.
Eins og áður segir hefur Mist verið lykilleikmaður í liði Vals síðustu ár, en hún var einmitt valin besti leikmaður tímabilsins af Pepsi Max mörkunum í lok síðasta tímabils.
