Björn Axel Guðbjörnsson var á vettvangi í morgun og segir að þar hafi verið taldir minnst fimmtíu grindhvalir, sem velkist nú um í fjöruborðinu.
Í samtali við Vísi segist hann telja að engin leið sé að koma þeim til bjargar, þar sem miklar grynningar séu þar sem þeir syntu á land.
Ferðamenn hringdu á lögregluna og létu vita af vandræðum grindhvalanna. Búið er að tilkynna hvalrekann til Umhverfisstofnunar.
