Markvörðurinn Elías Rafn með stoðsendingu í sigri Midtjylland

Midtjylland byrjaði leikinn betur en hvorugu liðinu tókst að skora í fyrri hálfleik. Midtjylland skoraði þó strax í upphafi síðari hálfleiks og var þar að verki miðjumaðurinn ungi, Gustav Isaksen.

Á 76. mínútu gerðu leikmenn Midtjylland svo út um leikinn þegar að Elías Rafn átti stoðsendingu á Victor Lind sem kom liðinu í 2-0 og þar við sat. Lind hafði komið inn sem varamaður skömmu áður fyrir hinn markaskorarann, Isaksen.

Elías hefur leikið tvo leiki með liðinu og hefur hann haldið hreinu í þeim báðum. Liðið hefur unnið báða leikina. Síðast gegn Silkeborg fyrir þremur vikum. Midtjylland er á toppi deildarinnar eftir átta leiki, stigi á undan FC Kaupmannahöfn sem á leik til góða.