Rennsli virðist fara hægt minnkandi í Skaftá við Sveinstind. Rennslið náði hámarki á miðnætti aðfaranótt 2. september og var þá um 520 rúmmetrar á sekúndu.
Fram kom á vef Veðurstofunnar síðdegis í gær að miðað við framgang hlaupsins og fyrri hlaup úr vestari katlinum mætti gera ráð fyrir að hlaupvatn yrði áfram í Skaftá næstu daga og rennslistölur háar miðað við árstíma.
Ragnar Axelsson, ljósmyndari Vísis, flaug yfir Skaftárjökul á fimmtudag og tók þessar myndir og myndbönd af sigkatlinum vestari í Skaftárjökli og rennslinu í ánni.
Þá myndaði RAX sömuleiðis rennslið í Skaftánni úr lofti.
Rennsli hefur farið hægt minnkandi í Skaftá við Sveinstind síðustu klukkustundir. Rennslið 412 rúmmetrar á sekúndu klukkan 14.30 í dag. Rennslið náði hámarki á miðnætti aðfaranótt 2. september og var þá um 520 rúmmetrar á sekúndu.
Hlaupið í Skaftá virðist hafa náð hámarki og veldur bændum í Skaftártungu litlum áhyggjum. Öðru máli gegnir um ef eystri sigketillinn í Skaftárjökli hleypur í kjölfarið.
