Fór með sigur af hólmi þrátt fyrir að halda að hún væri handar­brotin

Sabalenka féll illa í fyrsta setti og þurfti að kæli bæði hendi og úlnlið í hvert skipti sem tími gafst á meðan leiknum stóð. Henni tókst þó að landa sigri í leik sem entist rúma klukkustund. Sabalenka vann fyrra settið 6-3 og það seinna 6-1. 

Hún mætir Danielle Collins í þriðju umferð mótsins.

„Ég var mjög stressuð um að ég hefði brotið hana, þetta var mjög sársaukafullt. Hún varð stærri og stærri ásamt því að marið á fingrunum varð dekkra með hverri mínútunni,“ sagði Sabalenka um hendina að leik loknum.

„Er mjög ánægð með að ná að klára leikinn. Fæ auka dag til að jafna mig og sjá hvað er í gangi, vonandi næ ég að hvíla mig vel,“ bætti hún við að endingu.