Sjáðu sjö marka veislu Blikakvenna frá því í morgun

Þrír leikmenn Blika voru með tvennu í leiknum en það voru þær Agla María Albertsdóttir, Karitas Tómasdóttir og Selma Sól Magnúsdóttir. Tiffany McCarty var síðan með eitt mark.

Bæði mörk Selmu komu með laglegum skotum fyrir utan teig en hún skoraði fyrsta og sjöunda markið í leiknum.

Agla María skoraði annað mark sitt úr víti sem hún fiskaði sjálf.

Karitas Tómasdóttir var með tvö mörk og tvær stoðsendingar í fyrri hálfleiknum en hann vann Blikaliðið 5-0.

Blikar spila næst á laugardaginn og mæta þá sigurvegaranum úr leik FC Gintra frá Litháen og FC Flora Tallinn frá Eistlandi. Þau lið mætast seinna í dag.

Hér fyrir neðan má sjá öll mörk Blika í leiknum í morgun.