Messi veifaði til stuðningsmannanna í París og allt varð vitlaust

Messi og PSG munu þá halda blaðamannafund og orðrómur hefur verið um að hann verði haldinn við Eiffel turninn. Eitt er víst að þá munum við sjá argentínska snillinginn í PSG búningi í fyrsta sinn.

Það verður kannski fyrst þá sem fótboltáhugafólk áttar sig á því að Messi muni ekki spila með Barcelona í vetur heldur með ríkasta fótboltafélagi heims.

Stuðningsmenn PSG hafa beðið þolinmóður fyrir utan höfuðstöðvar félagsins eftir því að sjá Messi.

Messi opnaði glugga áðan og veifaði til stuðningsmannanna í París og allt varð vitlaust. Sky birti myndbandið sem má sjá hér fyrir neðan.

Paris Saint Germain varð í öðru sæti í frönsku deildinni á síðasta tímabili og datt út í undanúrslitum Meistaradeildarinnar eftir að hafa tapað úrslitaleiknum tímabilið á undan.

Nú hefur liðið safnað af sér stjörnuleikmönnum á frjálsri sölu og enginn þeirra er stærri en Lionel Messi.

Það er ekki nema von að stuðningsmenn Parísarliðsins missi sig og klípi sig um leið þegar þau sjá Messi í Parísartreyju og fyrir framan sig í París. Kóngurinn er mættur og nú verður erfitt fyrir önnur lið í Evrópu að koma í veg fyrir fyrsta sigur PSG í Meistaradeildinni.