Fótbolti

Aron á leið til Danmerkur

Valur Páll Eiríksson skrifar
Aron Sigurðarson í leik með íslenska landsliðinu.
Aron Sigurðarson í leik með íslenska landsliðinu. Vísir/Getty

Aron Sigurðarson er á leið frá belgíska liðinu Union SG til Horsens í Danmörku. Aron hefur verið í eitt og hálft ár hjá belgíska liðinu.

Aron er 27 ára gamall kantmaður sem lék með Fjölni hér á landi áður en hann fór út í atvinnumennsku árið 2016. Hann lék með Tromsö og Start í Noregi áður en hann fór til Belgíu upphafi síðasta árs.

Hann skoraði fjögur mörk í 15 leikjum fyrir Union á síðustu leiktíð er liðið komst upp úr belgísku B-deildinni.

Fótbolti.net greinir frá því að Aron sé nú á leið aftur til Skandinavíu og muni ganga í raðir danska B-deildarliðsins Horsens. Hjá Horsens er fyrir Ágúst Eðvald Hlynsson.

Aron hefur leikið sex landsleiki fyrir Íslands hönd og skoraði þeim tvö mörk.

Danski boltinn

Mest lesið


Fleiri fréttir

Sjá meira


×

Mest lesið