Gísli Pálmi hótar að taka aftur yfir leikinn og byrjar á stærstu tónleikum ársins Snorri Másson skrifar 24. júlí 2021 15:58 Það er hugur í Gísla Pálma Sigurðssyni. Hann er ekki frá því að poppstjörnurnar, eins og hann kallar helstu rappara landsins, þurfi að fara að spýta í lófana þegar hann fer að droppa nýja dótinu sínu. Hann gæti í alvöru verið að hefjast, GP kafli tvö, sem rappþjóðin Ísland hefur beðið í ofvæni frá því að GP droppaði árið 2015. Eftir nokkur ár undir feldi boðar Gísli Pálmi nýja tíma, sem hann hringir inn með sögulegum tónleikum í Gamla bíó í kvöld. Rapparinn hefur verið önnum kafinn við að skipuleggja tónleika kvöldsins, sem hefur vitaskuld reynst flókin aðgerð á þessum allra síðustu og verstu tímum. Nýjar sóttvarnarreglur taka ekki gildi fyrr en á miðnætti, þannig að salurinn getur fyllst, og það þýðir ekki að vola í veirufári, eins og forsetinn segir. Þetta verða seinustu tónleikar sumarsins, segir Gísli. „Við erum búnir að lofa því að þetta verða stærstu tónleikar ársins. Við ætlum að vera með heilmikið dæmi,“ segir Gísli Pálmi í samtali við Vísi. Stærstir verða þeir öðru fremur í menningarlegum skilningi og á þeim nótum boðar Gísli mikinn fögnuð: „Ég verð þarna með Nigo, Daniil og svo Issa og Alviu. Og ég get sagt þér það núna að Issi og Alvia eru að fara að breyta leiknum. Þetta kvöld er að fara að vera grjótharðasta og það ferskasta í alvöru hiphop trap-senunni.“ Miðar seldir við hurð og á Tix.Instagram Á meðal gesta verður raunveruleikastjarnan og nú rapparinn Bassi Maraj, sem Gísli hefur mikla trú á: „Ég er nefnilega svo ógeðslega hrifinn af honum, ég er bara á því að hann er einn af bestu röppurunum sem eru þarna úti í dag. Þetta eru stór orð, en hann er mjög góður að ríma, það verður bara ekki tekið af honum, hann er bara mjög góður að ríma. Svo er hann bara fyndin týpa.“ Kafli tvö í vændum Gísli Pálmi sló tóninn fyrir nýja bylgju íslensks rapps með plötu sinni Gísla Pálma árið 2015. Síðan hefur hann gefið út stöku lag á stangli, en látið vera að fylgja plötunni eftir með öðru heilsteyptu meistaraverki. Staða hans sem rappara númer eitt stendur þó óhögguð í huga margra, þrátt fyrir takmarkaða útgáfustarfsemi. Á allra síðustu árum hefur Gísli unnið í sínum málum, verið með annan fótinn í Lundúnum þar sem hann er einnig til heimilis, en upp á síðkastið verið ötull við tónsmíðar í Reykjavík með nýjum hópi. „Ég er búinn að vera að vinna hörðum höndum í lífinu og með því kemur bara nýr kafli, sem er bara Chapter 2 frá GP. Mikið af efni er í vændum. GP season er að rífa af stað og ég er kominn með heilt teymi af gaurum sem eru að pródúsera. Ég hef alltaf verið mikið í að pródúsera bara fyrir sjálfan mig og ekki verið opinn fyrir miklu öðru, enda þarf mikið til að impressa mig. En núna er ég kominn með nokkra í kringum mig sem ég er að fara að setja á, sem eru bara að fara að drepa leikinn.“ Þar á meðal nefnir Gísli sérstaklega Ísleif Eld, sem hann hefur unnið náið með að undanförnu. Poppstjörnurnar gætu þurft að fara að spýta í lófana Fyrr má nú rota en dauðrota - það eru voðaverk að ætla að drepa leik sem þegar hefur verið sagður í andarslitrunum. Rappið hefur ekki verið upp á sitt besta hér á landi undanfarin ár að mati margra. Hverju sætir? „Þetta er bara að breytast í einhverja poppsenu. Allir gæjarnir sem eiga að vera frægustu og stærstu rappararnir hérna eru bara einhverjir fokking poppsöngvarar. Þeir mega alveg gera það og ekkert mál fyrir þá sem ætla að gera það, en það er þá stórt gat þarna þar sem vantar bara alvöru hip hop. Eða hvað sem menn kalla það. Rapp,“ segir Gísli Pálmi. Kominn tími á nýtt GP?INSTAGRAM Þessu ætlar Gísli að breyta, sem er þegar með lager af efni sem hann hefur verið að setja saman í stúdíóinu í samvinnu við góða menn. „Það munu allir verða varir við það núna á næsta ári þegar það droppar út hægt og rólega, það mun ekki fara fram hjá neinum. Það mun síðan vonandi hafa það jákvæð áhrif á leikinn að aðrir þurfa að spýta í lófana líka,“ segir Gísli Pálmi Sigurðsson. Tónlist Mest lesið „Ef þú ræðst svona aftur á mig þá stíg ég á fótinn þinn“ Lífið Þetta er ástæðan fyrir því að þú átt aldrei að bjóða óperusöngvara í matarboð Gagnrýni Fréttatía vikunnar: Ungfrú Ísland, eldgos og Þjóðhátíðarlagið Lífið Fullkomið tan og tryllt partý Lífið samstarf Horfði aftur á keppnina þegar hún kom heim Lífið Vel yfir milljón á fermetrann og baðkar í eldhúsinu Lífið Hanna Katrín heiðraði Eyjólf í Epal Lífið Spegill, spegill, herm þú mér, hve léleg endurgerðin er Gagnrýni Helena krýnd Ungfrú Ísland Lífið Stuðlabandið höfundar og flytjendur Þjóðhátíðarlagsins: „Við megum ekki fokka þessu upp“ Lífið Fleiri fréttir Þrumustuð þegar lag Barnamenningarhátíðar var frumflutt Sækir innblásturinn í rússnesku ræturnar Í skýjunum með að vera fyrstir Önnur platan komin út: Kyrrstæður heimur Kára Egils Varð að fara gubbandi í Herjólf Aldrei fór ég suður í endurbættri útgáfu Lærði að byggja sig upp og elska úr fjarlægð Íslensku tónlistarverðlaunin: Damon Albarn lét óvænt sjá sig Útskrifaðist úr verkfræði og gerðist tónlistarmaður Samstarfsverkefni Loreen og Ólafs Arnalds lítur dagsins ljós Dusta rykið af danssokkunum Daniil og Birnir í eina sæng Angie Stone lést í bílslysi Sjá meira
Rapparinn hefur verið önnum kafinn við að skipuleggja tónleika kvöldsins, sem hefur vitaskuld reynst flókin aðgerð á þessum allra síðustu og verstu tímum. Nýjar sóttvarnarreglur taka ekki gildi fyrr en á miðnætti, þannig að salurinn getur fyllst, og það þýðir ekki að vola í veirufári, eins og forsetinn segir. Þetta verða seinustu tónleikar sumarsins, segir Gísli. „Við erum búnir að lofa því að þetta verða stærstu tónleikar ársins. Við ætlum að vera með heilmikið dæmi,“ segir Gísli Pálmi í samtali við Vísi. Stærstir verða þeir öðru fremur í menningarlegum skilningi og á þeim nótum boðar Gísli mikinn fögnuð: „Ég verð þarna með Nigo, Daniil og svo Issa og Alviu. Og ég get sagt þér það núna að Issi og Alvia eru að fara að breyta leiknum. Þetta kvöld er að fara að vera grjótharðasta og það ferskasta í alvöru hiphop trap-senunni.“ Miðar seldir við hurð og á Tix.Instagram Á meðal gesta verður raunveruleikastjarnan og nú rapparinn Bassi Maraj, sem Gísli hefur mikla trú á: „Ég er nefnilega svo ógeðslega hrifinn af honum, ég er bara á því að hann er einn af bestu röppurunum sem eru þarna úti í dag. Þetta eru stór orð, en hann er mjög góður að ríma, það verður bara ekki tekið af honum, hann er bara mjög góður að ríma. Svo er hann bara fyndin týpa.“ Kafli tvö í vændum Gísli Pálmi sló tóninn fyrir nýja bylgju íslensks rapps með plötu sinni Gísla Pálma árið 2015. Síðan hefur hann gefið út stöku lag á stangli, en látið vera að fylgja plötunni eftir með öðru heilsteyptu meistaraverki. Staða hans sem rappara númer eitt stendur þó óhögguð í huga margra, þrátt fyrir takmarkaða útgáfustarfsemi. Á allra síðustu árum hefur Gísli unnið í sínum málum, verið með annan fótinn í Lundúnum þar sem hann er einnig til heimilis, en upp á síðkastið verið ötull við tónsmíðar í Reykjavík með nýjum hópi. „Ég er búinn að vera að vinna hörðum höndum í lífinu og með því kemur bara nýr kafli, sem er bara Chapter 2 frá GP. Mikið af efni er í vændum. GP season er að rífa af stað og ég er kominn með heilt teymi af gaurum sem eru að pródúsera. Ég hef alltaf verið mikið í að pródúsera bara fyrir sjálfan mig og ekki verið opinn fyrir miklu öðru, enda þarf mikið til að impressa mig. En núna er ég kominn með nokkra í kringum mig sem ég er að fara að setja á, sem eru bara að fara að drepa leikinn.“ Þar á meðal nefnir Gísli sérstaklega Ísleif Eld, sem hann hefur unnið náið með að undanförnu. Poppstjörnurnar gætu þurft að fara að spýta í lófana Fyrr má nú rota en dauðrota - það eru voðaverk að ætla að drepa leik sem þegar hefur verið sagður í andarslitrunum. Rappið hefur ekki verið upp á sitt besta hér á landi undanfarin ár að mati margra. Hverju sætir? „Þetta er bara að breytast í einhverja poppsenu. Allir gæjarnir sem eiga að vera frægustu og stærstu rappararnir hérna eru bara einhverjir fokking poppsöngvarar. Þeir mega alveg gera það og ekkert mál fyrir þá sem ætla að gera það, en það er þá stórt gat þarna þar sem vantar bara alvöru hip hop. Eða hvað sem menn kalla það. Rapp,“ segir Gísli Pálmi. Kominn tími á nýtt GP?INSTAGRAM Þessu ætlar Gísli að breyta, sem er þegar með lager af efni sem hann hefur verið að setja saman í stúdíóinu í samvinnu við góða menn. „Það munu allir verða varir við það núna á næsta ári þegar það droppar út hægt og rólega, það mun ekki fara fram hjá neinum. Það mun síðan vonandi hafa það jákvæð áhrif á leikinn að aðrir þurfa að spýta í lófana líka,“ segir Gísli Pálmi Sigurðsson.
Tónlist Mest lesið „Ef þú ræðst svona aftur á mig þá stíg ég á fótinn þinn“ Lífið Þetta er ástæðan fyrir því að þú átt aldrei að bjóða óperusöngvara í matarboð Gagnrýni Fréttatía vikunnar: Ungfrú Ísland, eldgos og Þjóðhátíðarlagið Lífið Fullkomið tan og tryllt partý Lífið samstarf Horfði aftur á keppnina þegar hún kom heim Lífið Vel yfir milljón á fermetrann og baðkar í eldhúsinu Lífið Hanna Katrín heiðraði Eyjólf í Epal Lífið Spegill, spegill, herm þú mér, hve léleg endurgerðin er Gagnrýni Helena krýnd Ungfrú Ísland Lífið Stuðlabandið höfundar og flytjendur Þjóðhátíðarlagsins: „Við megum ekki fokka þessu upp“ Lífið Fleiri fréttir Þrumustuð þegar lag Barnamenningarhátíðar var frumflutt Sækir innblásturinn í rússnesku ræturnar Í skýjunum með að vera fyrstir Önnur platan komin út: Kyrrstæður heimur Kára Egils Varð að fara gubbandi í Herjólf Aldrei fór ég suður í endurbættri útgáfu Lærði að byggja sig upp og elska úr fjarlægð Íslensku tónlistarverðlaunin: Damon Albarn lét óvænt sjá sig Útskrifaðist úr verkfræði og gerðist tónlistarmaður Samstarfsverkefni Loreen og Ólafs Arnalds lítur dagsins ljós Dusta rykið af danssokkunum Daniil og Birnir í eina sæng Angie Stone lést í bílslysi Sjá meira