Þórunn Egilsdóttir er látin

Þórunn hafði setið á þingi fyrir Fram­sóknar­flokkinn í Norð­austur­kjör­dæmi frá árinu 2013. Í byrjun árs 2019 greindist hún með brjósta­krabba­mein og gekk í gegnum stranga með­ferð.

Hún tók sér þá hlé frá störfum sínum á þingi en sneri aftur á síðasta ári þegar meinið var horfið. Í lok þess árs fór það aftur að segja til sín.

Þórunn fæddist í Reykja­vík þann 23. nóvember 1964. Hún skilur eftir sig eigin­mann, Frið­björn Hauk Guð­munds­son, og þrjú börn; Kristjönu Lou­ise, Guð­mund og Heklu Karen.

Þórunn starfaði sem sauð­fjár­bóndi og grunn­skóla­kennari áður en hún fór á þing. Hún var lengi virk í starfi Fram­sóknar­flokksins en á þing­ferli hennar sinnti hún meðal annars starfi þing­flokks­for­manns og sat sem fyrsti vara­for­seti Al­þingis.

Greint er frá andlátinu í samráði við aðstandendur.