Stefnir á sigur í Meistaradeild Evrópu en segir það súrsætt að yfirgefa Svíþjóð Runólfur Trausti Þórhallsson skrifar 10. júlí 2021 08:01 Glódís Perla er spennt fyrir komandi tímabili og setur markið hátt. Bayern Glódís Perla Viggósdóttir, landsliðskona í fótbolta, samdi í gær við Þýskalandsmeistara Bayern München. Skrifaði hún undir þriggja ára samning við liðið og segist spennt fyrir nýrri áskorun. Jafnframt segist Glódís Perla gera sér fulla grein fyrir því að hún labbi ekki beint inn í byrjunarlið Bayern sem fór í undanúrslit Meistaradeildar Evrópu ásamt því að vinna þýsku úrvalsdeildina á síðustu leiktíð. Glódís Perla var að pakka er Vísir heyrði í henni en gaf sér þó góðan tíma í að ræða vistaskiptin og landflutningana. „Mér líður bara mjög vel. Er mjög spennt fyrir því sem er fram undan. Frábært líka að enda þetta á svona góðum nótum hjá Rosengård,“ sagði Glódís Perla aðspurð hvernig sér liði einfaldlega. Rosengård vann 5-0 sigur á Vaxjö á sunnudagskvöldið. Eftir leik staðfesti sænska félagið að hún væri á förum frá félaginu og í gær kom í ljós að miðvörðurinn væri á leið til Bayern München. Glódís Perla við undirskriftina.Bayern Glódís Perla gæti vart skilið Rosengård eftir á betri stað. Liðið trónir á toppi sænsku úrvalsdeildarinnar þegar 12 umferðum er lokið og hefur það aðeins fengið á sig tvö mörk. Átti eitt ár eftir af samning Hin 26 ára gamla Glódís Perla átti eitt ár eftir af samning við Rosengård og þar með ljóst að Bayern hefur þurft að opna budduna til að fá íslenska landsliðsmiðvörðinn í sínar raðir. Liðið hafði fylgst með henni í dágóða stund og félagaskiptin legið í loftinu. „Þetta er búið að vera dágóða stund að gerast, samt ekki. Um jólin heyrði ég af áhuga Bayern en það var ekki fyrr en eftir að við spiluðum við þær í Meistaradeild Evrópu sem boltinn fór að rúlla. Svo tekur þetta bara tíma, það þarf að semja við Rosengård … og mig auðvitað.“ Liðin mættust í 8-liða úrslitum Meistaradeildar Evrópu. Fyrri leikurinn fór fram 24. mars og sá síðari viku síðar. Fór það svo að Bayern vann einvígið 4-0 samanlagt en féll svo úr leik gegn Chelsea í undanúrslitum. „Skemmtileg upplifun að vera þeim megin við borðið.“ Jens Scheuer, þjálfari Bayern, seldi Glódísi endanlega hugmyndina um að ganga til liðs við félagið. „Ég spjallaði við hann [Jens] um hvernig þeirra leikhugmynd er, hvernig hann vill setja leikina upp og hvernig hann vill að Bayern spili. Svo voru þau auðvitað að selja mér að koma til félagsins þar sem ég átti enn ár eftir af samning. Það var bara gaman, mjög skemmtilegum upplifun að vera þeim megin við borðið.“ „Mér leist vel á hann, þær hugmyndir sem hann hefur fyrir liðið og mig á næstum árum. Að því sögðu þá er ég að fara inn í mikla samkeppni, ég veit vel að ég er ekkert að fara labba inn í liðið hjá Bayern.“ Unsere neue Nummer 14! Innenverteidigerin Glódís Viggósdóttir unterschreibt für drei Jahre beim @FCBayern.Alle Informationen https://t.co/rDptEYsMPs#MiaSanMia pic.twitter.com/8CZdccEL3b— MEISTERINNEN (@FCBfrauen) July 9, 2021 „Félagið er með mjög háleit markmið. Markmiðið er að vinna Meistaradeild Evrópu sem hefur einnig verið mitt markmið í langan tíma. Held að markmið mín og félagsins passi vel saman.“ Tvær íslenskar landsliðskonur í besta liði Þýskalands Glódís Perla verður ekki eina íslenska landsliðskonan hjá Bayern en Karólína Lea Vilhjálmsdóttir samdi við félagið í janúar á þessu ári. Karólína Lea er aðeins 19 ára að aldri en hún skaust upp á stjörnuhimininn síðasta sumar er hún lék fyrir Breiðablik. Hún var svo valin í íslenska A-landsliðið og lék sína fyrstu landsleiki síðasta haust. Bayern festi svo kaup á henni skömmu eftir áramót en á svipuðum tíma var félagið að íhuga kaup á Glódísi. „Það hjálpar að hafa Karólínu Leu þarna. Ég talaði aðeins við hana í aðdragandanum að skiptunum. Fékk að heyra hennar sjónarhorn á klúbbnum og svona, hún hafði bara góða hluti að segja.“ Glódís Perla í fyrri leiknum gegn Bayern í Meistaradeild Evrópu í vor.Roland Krivec/Getty Images Get bætt mig enn frekar Þrátt fyrir nokkuð ungan aldur er Glódís Perla einstaklega reynslumikill leikmaður. Hún hóf snemma að æfa og spila með meistaraflokki HK/Víkings. Þaðan fór hún til Stjörnunnar og varð tvívegis Íslandsmeistari fyrir tvítugt. Þaðan lá leiðin til Eskilstuna og svo Rosengård árið 2017. Varð hún sænskur meistari með liðinu tveimur árum síðar. Nú er hún komin til Þýskalands og stefnir ekki aðeins á að vinna titla heldur einnig að bæta sig sem leikmaður. „Ég er að fara inn í umhverfi þar sem er miklu meiri samkeppni og enn betra æfingaumhverfi. Efast ekki um að ég muni bæta mig sem leikmann með það umhverfi og þá umgjörð sem er til staðar hjá Bayern.“ „Þegar ég fór til Svíþjóðar var ég með það markmið að spila fyrir Rosengård. Það er vissulega stærsta félagið í Svíþjóð en það er einnig með góða tengingu út í aðra klúbba erlendis. Ég er mjög ánægð með hvernig þetta hefur spilast hingað til. Hef reynt að fylgja hjartanu þegar kemur að því að taka næstu skref og ekki verið að flýta mér of mikið. Fann svo í janúar á þessu ári að ég væri tilbúin í nýtt ævintýri.“ Erfitt að yfirgefa Malmö Glódís Perla viðurkenndi fúslega að það væri erfitt að yfirgefa Svíþjóð þar sem hún hefur búið undanfarin sex ár. „Það er klárlega mjög sorglegt og mjög erfitt að fara frá Rosengård, Malmö sérstaklega enda búin að vera hér í fjögur ár og liðið ótrúlega vel. Þetta er súrsætt einhvern veginn, að fara frá einhverju þar sem mér líður ótrúlega vel – í vonandi eitthvað enn betra, ég er mjög spennt.“ „Það er alltaf krefjandi að fara í nýtt land. Yfirgefa vinina, liðsfélagana og allt það sem maður er orðin vön. Svona er þetta hins vegar bara í boltanum, til að verða best þarf alltaf að fórna einhverju.“ Vill vera fyrirmynd fyrir ungar stelpur „Ég er fyrst og fremst kannski að einbeita mér að mér og mínum ferli en ég vil auðvitað vera fyrirmynd fyrir stelpur. Það er frábært að þær – og allir heima – hafi möguleika á að sjá konur spila fótbolta í sjónvarpinu yfir höfuð. Það var alls ekkert sjálfgefið þegar ég var krakki,“ sagði Glódís Perla mikilvægi þess að gott aðgengi sé að kvennaknattspyrnu. Allir leikir í riðla- og útsláttarkeppni Meistaradeildar Evrópu verða sýndir beint í opinni dagskrá á Youtube næstu tvö árin. „Maður hefur verið krakkinn sem horfir upp til eldri leikmanna og sér þær sem fyrirmyndir. Man enn þegar Kata Jóns kom og horfði á okkur spila þegar ég var krakki, það var toppurinn á tilverunni. Það eru því algjör forréttindi að fá að vera þessi fyrirmynd.“ Katrín Jónsdóttir [Kata Jóns] var margfaldur Íslands- og bikarmeistari á sínum tíma ásamt því að leika sem atvinnumaður í bæði Noregi og Svíþjóð. Þá lék hún 133 A-landsleiki en Sara Björk Gunnarsdóttir hefur spilað fleiri landsleiki [136].Vísir/Daníel Glódís Perla á að baki 93 A-landsleiki og ef fer sem horfir mun hún bæta leikjafjölda Katrínar áður en langt um líður. Sumarfrí í sólinni Að endingu var Glódís Perla spurð út í komandi tímabil og hvenær hún myndi hefja æfingar með Bayern. „Tímabilið hefst í lok ágúst og liðið byrjar að æfa núna strax eftir helgi. Ég fæ samt smá sumarfrí þar sem ég hef verið að spila í Svíþjóð meðan þær eru búnar að vera í fríi síðan í byrjun júní. Ég fer því í sólina að slaka aðeins á áður en ég mæti til leiks.“ Fótbolti Þýski boltinn Íslendingar erlendis Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti „Hún reif í mig og hraunaði yfir mig, á Marilegan hátt“ Sport Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Óttast um öryggi fjölskyldunnar og neyðist til að flytja Sport Aðeins einn löglegur dúkur svo Valur og FH byrja saman í Krikanum Handbolti Víkingar spila á Íslandi í dagsbirtu Fótbolti Var kennari og þjálfaði karlalið þegar hann stýrði kvennalandsliðinu Fótbolti Fleiri fréttir Í beinni: Víkingur - Þróttur | Geta enn komist ofar fyrir lokin „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Sjá meira
Jafnframt segist Glódís Perla gera sér fulla grein fyrir því að hún labbi ekki beint inn í byrjunarlið Bayern sem fór í undanúrslit Meistaradeildar Evrópu ásamt því að vinna þýsku úrvalsdeildina á síðustu leiktíð. Glódís Perla var að pakka er Vísir heyrði í henni en gaf sér þó góðan tíma í að ræða vistaskiptin og landflutningana. „Mér líður bara mjög vel. Er mjög spennt fyrir því sem er fram undan. Frábært líka að enda þetta á svona góðum nótum hjá Rosengård,“ sagði Glódís Perla aðspurð hvernig sér liði einfaldlega. Rosengård vann 5-0 sigur á Vaxjö á sunnudagskvöldið. Eftir leik staðfesti sænska félagið að hún væri á förum frá félaginu og í gær kom í ljós að miðvörðurinn væri á leið til Bayern München. Glódís Perla við undirskriftina.Bayern Glódís Perla gæti vart skilið Rosengård eftir á betri stað. Liðið trónir á toppi sænsku úrvalsdeildarinnar þegar 12 umferðum er lokið og hefur það aðeins fengið á sig tvö mörk. Átti eitt ár eftir af samning Hin 26 ára gamla Glódís Perla átti eitt ár eftir af samning við Rosengård og þar með ljóst að Bayern hefur þurft að opna budduna til að fá íslenska landsliðsmiðvörðinn í sínar raðir. Liðið hafði fylgst með henni í dágóða stund og félagaskiptin legið í loftinu. „Þetta er búið að vera dágóða stund að gerast, samt ekki. Um jólin heyrði ég af áhuga Bayern en það var ekki fyrr en eftir að við spiluðum við þær í Meistaradeild Evrópu sem boltinn fór að rúlla. Svo tekur þetta bara tíma, það þarf að semja við Rosengård … og mig auðvitað.“ Liðin mættust í 8-liða úrslitum Meistaradeildar Evrópu. Fyrri leikurinn fór fram 24. mars og sá síðari viku síðar. Fór það svo að Bayern vann einvígið 4-0 samanlagt en féll svo úr leik gegn Chelsea í undanúrslitum. „Skemmtileg upplifun að vera þeim megin við borðið.“ Jens Scheuer, þjálfari Bayern, seldi Glódísi endanlega hugmyndina um að ganga til liðs við félagið. „Ég spjallaði við hann [Jens] um hvernig þeirra leikhugmynd er, hvernig hann vill setja leikina upp og hvernig hann vill að Bayern spili. Svo voru þau auðvitað að selja mér að koma til félagsins þar sem ég átti enn ár eftir af samning. Það var bara gaman, mjög skemmtilegum upplifun að vera þeim megin við borðið.“ „Mér leist vel á hann, þær hugmyndir sem hann hefur fyrir liðið og mig á næstum árum. Að því sögðu þá er ég að fara inn í mikla samkeppni, ég veit vel að ég er ekkert að fara labba inn í liðið hjá Bayern.“ Unsere neue Nummer 14! Innenverteidigerin Glódís Viggósdóttir unterschreibt für drei Jahre beim @FCBayern.Alle Informationen https://t.co/rDptEYsMPs#MiaSanMia pic.twitter.com/8CZdccEL3b— MEISTERINNEN (@FCBfrauen) July 9, 2021 „Félagið er með mjög háleit markmið. Markmiðið er að vinna Meistaradeild Evrópu sem hefur einnig verið mitt markmið í langan tíma. Held að markmið mín og félagsins passi vel saman.“ Tvær íslenskar landsliðskonur í besta liði Þýskalands Glódís Perla verður ekki eina íslenska landsliðskonan hjá Bayern en Karólína Lea Vilhjálmsdóttir samdi við félagið í janúar á þessu ári. Karólína Lea er aðeins 19 ára að aldri en hún skaust upp á stjörnuhimininn síðasta sumar er hún lék fyrir Breiðablik. Hún var svo valin í íslenska A-landsliðið og lék sína fyrstu landsleiki síðasta haust. Bayern festi svo kaup á henni skömmu eftir áramót en á svipuðum tíma var félagið að íhuga kaup á Glódísi. „Það hjálpar að hafa Karólínu Leu þarna. Ég talaði aðeins við hana í aðdragandanum að skiptunum. Fékk að heyra hennar sjónarhorn á klúbbnum og svona, hún hafði bara góða hluti að segja.“ Glódís Perla í fyrri leiknum gegn Bayern í Meistaradeild Evrópu í vor.Roland Krivec/Getty Images Get bætt mig enn frekar Þrátt fyrir nokkuð ungan aldur er Glódís Perla einstaklega reynslumikill leikmaður. Hún hóf snemma að æfa og spila með meistaraflokki HK/Víkings. Þaðan fór hún til Stjörnunnar og varð tvívegis Íslandsmeistari fyrir tvítugt. Þaðan lá leiðin til Eskilstuna og svo Rosengård árið 2017. Varð hún sænskur meistari með liðinu tveimur árum síðar. Nú er hún komin til Þýskalands og stefnir ekki aðeins á að vinna titla heldur einnig að bæta sig sem leikmaður. „Ég er að fara inn í umhverfi þar sem er miklu meiri samkeppni og enn betra æfingaumhverfi. Efast ekki um að ég muni bæta mig sem leikmann með það umhverfi og þá umgjörð sem er til staðar hjá Bayern.“ „Þegar ég fór til Svíþjóðar var ég með það markmið að spila fyrir Rosengård. Það er vissulega stærsta félagið í Svíþjóð en það er einnig með góða tengingu út í aðra klúbba erlendis. Ég er mjög ánægð með hvernig þetta hefur spilast hingað til. Hef reynt að fylgja hjartanu þegar kemur að því að taka næstu skref og ekki verið að flýta mér of mikið. Fann svo í janúar á þessu ári að ég væri tilbúin í nýtt ævintýri.“ Erfitt að yfirgefa Malmö Glódís Perla viðurkenndi fúslega að það væri erfitt að yfirgefa Svíþjóð þar sem hún hefur búið undanfarin sex ár. „Það er klárlega mjög sorglegt og mjög erfitt að fara frá Rosengård, Malmö sérstaklega enda búin að vera hér í fjögur ár og liðið ótrúlega vel. Þetta er súrsætt einhvern veginn, að fara frá einhverju þar sem mér líður ótrúlega vel – í vonandi eitthvað enn betra, ég er mjög spennt.“ „Það er alltaf krefjandi að fara í nýtt land. Yfirgefa vinina, liðsfélagana og allt það sem maður er orðin vön. Svona er þetta hins vegar bara í boltanum, til að verða best þarf alltaf að fórna einhverju.“ Vill vera fyrirmynd fyrir ungar stelpur „Ég er fyrst og fremst kannski að einbeita mér að mér og mínum ferli en ég vil auðvitað vera fyrirmynd fyrir stelpur. Það er frábært að þær – og allir heima – hafi möguleika á að sjá konur spila fótbolta í sjónvarpinu yfir höfuð. Það var alls ekkert sjálfgefið þegar ég var krakki,“ sagði Glódís Perla mikilvægi þess að gott aðgengi sé að kvennaknattspyrnu. Allir leikir í riðla- og útsláttarkeppni Meistaradeildar Evrópu verða sýndir beint í opinni dagskrá á Youtube næstu tvö árin. „Maður hefur verið krakkinn sem horfir upp til eldri leikmanna og sér þær sem fyrirmyndir. Man enn þegar Kata Jóns kom og horfði á okkur spila þegar ég var krakki, það var toppurinn á tilverunni. Það eru því algjör forréttindi að fá að vera þessi fyrirmynd.“ Katrín Jónsdóttir [Kata Jóns] var margfaldur Íslands- og bikarmeistari á sínum tíma ásamt því að leika sem atvinnumaður í bæði Noregi og Svíþjóð. Þá lék hún 133 A-landsleiki en Sara Björk Gunnarsdóttir hefur spilað fleiri landsleiki [136].Vísir/Daníel Glódís Perla á að baki 93 A-landsleiki og ef fer sem horfir mun hún bæta leikjafjölda Katrínar áður en langt um líður. Sumarfrí í sólinni Að endingu var Glódís Perla spurð út í komandi tímabil og hvenær hún myndi hefja æfingar með Bayern. „Tímabilið hefst í lok ágúst og liðið byrjar að æfa núna strax eftir helgi. Ég fæ samt smá sumarfrí þar sem ég hef verið að spila í Svíþjóð meðan þær eru búnar að vera í fríi síðan í byrjun júní. Ég fer því í sólina að slaka aðeins á áður en ég mæti til leiks.“
Fótbolti Þýski boltinn Íslendingar erlendis Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti „Hún reif í mig og hraunaði yfir mig, á Marilegan hátt“ Sport Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Óttast um öryggi fjölskyldunnar og neyðist til að flytja Sport Aðeins einn löglegur dúkur svo Valur og FH byrja saman í Krikanum Handbolti Víkingar spila á Íslandi í dagsbirtu Fótbolti Var kennari og þjálfaði karlalið þegar hann stýrði kvennalandsliðinu Fótbolti Fleiri fréttir Í beinni: Víkingur - Þróttur | Geta enn komist ofar fyrir lokin „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Sjá meira