FÍFL er endurvakið félag lögregludeildar sem er ekki lengur til Óttar Kolbeinsson Proppé skrifar 22. júní 2021 20:43 Fjölnir Sæmundsson er formaður Landssambands lögreglumanna. Félag íslenskra fíkniefnalögreglumanna (FÍFL) eru félagasamtök starfsstéttar sem er í raun ekki lengur til. Fíkniefnadeild lögreglunnar var lögð niður árið 2016 og heyrir fyrri starfsemi hennar nú undir svið miðlægrar rannsóknadeildar. Fjármagn sem FÍFL safnar hefur að mestu runnið til einkafyrirtækis með óljósu eignarhaldi. Fjölnir Sæmundsson, formaður Landssambands lögreglumanna, harmar að auglýsing þessara gömlu félagasamtaka, sem birtist í Morgunblaðinu í síðustu viku og varaði við neyslu kannabisefna, sé tengd við Landssambandið eða lögregluna sjálfa. Í Landssambandinu eru hin ýmsu lögreglufélög og er FÍFL talið upp sem eitt þeirra á heimasíðu sambandsins. Þegar Vísir ræddi við Fjölni um umrædda auglýsingu, sem hefur vakið mikla gagnrýni meðal annars fyrir að nota nafn Rauða krossins í leyfisleysi, áréttaði hann að Landssambandið hefði ekkert með hana að gera. Félagið vakið úr dvala „Það sem ég veit um þetta samband er að það var til hérna einu sinni þegar fíkniefnadeild lögreglunnar í Reykjavík var starfandi og er greinilega til enn þá. Þetta voru bara þeir sem voru í henni. Þeir virðast einhvern veginn enn vera í þessu félagi þó að fíkniefnadeildin sé ekki lengur til,“ segir hann. Miðlæg rannsóknardeild lögreglunnar fer nú með rannsókn fíkniefnabrota. Henni er skipt í tvennt; annars vegar kynferðisbrotadeild og hins vegar deild sem sinnir skipulagðri brotastarfsemi. „Á sínum tíma var þetta öflugt félag,“ segir Fjölnir um FÍFL. „Það gaf út fræðsluefni sem var notað í grunn- og framhaldsskólum um fíkniefni og áhrif fíkniefna og fór stundum inn í skólana með fræðslu.“ Og starfsemi félagsins virðist nú hafa verið endurvakin miðað við heilsíðuauglýsinguna sem birtist í Morgunblaðinu síðasta fimmtudag. Í auglýsingunni er varað við neyslu kannabis og efnið sagt geta valdið ótímabærum dauða. Varnaðarorð sambandsins taka aðeins lítinn hluta auglýsingarinnar því mestan part síðnanna taka lógó og nafnalisti hinna ýmsu fyrirtækja, samtaka og sveitarfélaga sem eru sögð styðja þessi skilaboð. Fjármagnið fer mest allt til einkafyrirtækis Í pósti sem FÍFL sendi út á fyrirtækin kemur fram að lógómerkin séu seld á 25 þúsund krónur en styrktarlína á átta þúsund. Opnuauglýsing í Morgunblaðinu kostar að jafnaði um 300 þúsund krónur, en miðað við fjölda þeirra fyrirtækja sem virðast hafa styrkt birtinguna má ljóst vera að FÍFL hefur safnað mun meira en 300 þúsund krónum. Meðal þeirra samtaka sem eru sögð styrkja auglýsinguna er Rauði krossinn en eins og greint var frá í gær kannast samtökin ekkert við að hafa samþykkt það. Í dag gagnrýndi svo Sigríður Dögg Auðunsdóttir, formaður Blaðamannafélags Íslands, FÍFL fyrir framsetningu styrktarbeiðninnar og taldi félagið hafa gabbað sig. Sjá einnig: BÍ telur FÍFL hafa haft sig að fífli. „Mér finnst nú leiðinlegt að það sé verið að tengja þetta við landssambandið eða lögregluna. Eins og hún sagði, formaður Blaðamannafélagsins, að hún hélt að hún væri að styrkja landssambandið eða lögregluna,“ segir Fjölnir og áréttar þannig að sambandið sem slíkt hafi ekki komið nálægt auglýsingunni. Samkvæmt fyrirtækjaskrá eru þeir Ólafur Guðmundsson, Þórbjörn Sigurðsson og Guðbrandur Hansson skráðir sem stjórnarformenn FÍFL. Ekki náðist í þá við vinnslu fréttarinnar. FÍFL hefur ráðið einkarekna fyrirtækið Íslenska lögregluforlagið til að safna styrktaraðilum í auglýsinguna fyrir sig og sagði Sigríður Dögg við Vísi í dag að hún hefði gengið úr skugga um að mikill meirihluti þeirra fjármuna sem Blaðamannafélagið hefði samþykkt að styrkja forvarnarstarfið um renni til þessa fyrirtækis. Þegar Íslenska lögregluforlaginu er flett upp í fyrirtækjaskrá kemur fram að eigendur þess séu: Óskar Bjartmarz, sem á reyndar 0 prósent hlut, Guðmundur Stefán Sigmundsson, sem einnig á 0 prósent hlut og síðan: Conrad A Fabritius de Tengnagel, sem á 100 prósent hlut. Óljóst er hver þessi Conrad er en hann er samkvæmt fyrirtækjaskrá búsettur í Danmörku og er með danskt ríkisfang. Þegar nafnið er slegið inn í leitarvél Google með hinum ýmsu íslensku hjálparorðum á borð við „fjárfestir“, „fjárfestingafélag“ eða hreinlega „Íslenska lögregluforlagið“ skilar það ekki öðrum niðurstöðum en um danskan kaupmann sem bar nafnið og var uppi á 18. öld. Á danskri leitarsíðu má þó sjá að í Danmörku er nú einn núlifandi C A Fabritius Tengnagel og er hann lögfræðingur og á lögfræðistofu og hluti í nokkrum dönskum fyrirtækjum. Hver tengsl hans við Ísland eru er óljóst eða hvers vegna hann á hundrað prósent hlut í Íslenska lögregluforlaginu. Rekstrartekjur þess voru rúmar 25 milljónir króna á síðasta ári. Fréttin var uppfærð með upplýsingum um lögfræðinginn Tengnagel. Lögreglan Auglýsinga- og markaðsmál Tengdar fréttir BÍ telur FÍFL hafa haft sig að fífli Sigríður Dögg Auðunsdóttir formaður Blaðamannafélags Íslands telur Félag íslenskra fíkniefnalögreglumanna (FÍFL) hafa blekkt blaðamenn til þátttöku í umdeildri fíkniefnaauglýsingu. 22. júní 2021 11:23 Dóra Björt segir umdeilda fíkniefnaauglýsingu óboðlega Dóra Björt Guðjónsdóttir, borgarfulltrúi Pírata fordæmir auglýsingu sem Félag íslenskra fíkniefnalögreglumanna birtu í síðustu viku og telur afar vafaasamt að nafn Reykjavíkurborgar sé lagt við slíkan áróður. 22. júní 2021 14:02 Mest lesið Simmi lýsir áralöngu umsáturseinelti: Sat um hann í bílakjallara Innlent Tollarnir tilefni til hvorra tveggja örvæntingar og léttis Innlent Styttan tekin niður eftir harðar deilur um klúran barm Erlent Vörðuóðir ferðamenn fremji náttúruspjöll Innlent Tveir fluttir með þyrlunni og fjórir með sjúkrabíl Innlent Þrýstu á yngsta sakborninginn um að taka á sig alla sök Innlent Segist eiga fund með Pútín Erlent Fjarlægði nöfnin strax: „Ætlumst ekki til neins af þessu fólki“ Innlent Hvarf fyrir tæpum þrjátíu árum og fannst í hopandi jökli Erlent Ekki eigi að gera einstaklinga ábyrga fyrir gerðum ríkisstjórnar Innlent Fleiri fréttir Tollarnir tilefni til hvorra tveggja örvæntingar og léttis Simmi lýsir áralöngu umsáturseinelti: Sat um hann í bílakjallara Tveir fluttir með þyrlunni og fjórir með sjúkrabíl Vörðuóðir ferðamenn fremji náttúruspjöll Húsvíkingur á Norðurpólnum segir sögu merkustu landkönnuða 20. aldar Þrýstu á yngsta sakborninginn um að taka á sig alla sök Ákvörðun ráðherra muni seinka viðbragði við faröldrum framtíðar Þyrlan aftur á leið austur vegna umferðarslyss Ekki eigi að gera einstaklinga ábyrga fyrir gerðum ríkisstjórnar Tollahækkanirnar vonbrigði og þrýstir á um fund sem fyrst Forsætisráðherra ósátt með tolla og pólfarar á Húsavík Fyrirlestri ísraelsks fræðimanns aflýst eftir skamma stund Golfbolti hafnaði í manni „eftir óteljandi dæmi um óskiljanlega hegðun“ Tveggja bíla árekstur á Suðurlandi Svartaþoka gerir þyrlusveit í útkalli erfitt fyrir Innkalla sælgæti vegna köfnunarhættu Fjarlægði nöfnin strax: „Ætlumst ekki til neins af þessu fólki“ Öryggissérfræðingur hefur trú á boðuðum aðgerðum í Reynisfjöru Segir Höllu ekki skilja um hvað málið snýst Færa sig í Kringluna vegna bílastæðaskorts og framkvæmda Tollastríð, makríll og flutningur Blóðbankans Greina ekki frá tilkynntum kynferðisbrotum á Þjóðhátíð strax Segja Rafmennt auglýsa nöfn sín í blekkingarskyni Sektaður vegna kýr sem drapst á leið í sláturhús Minnsti þéttleiki makríls síðan 2010 Tveir skjálftar yfir þrír að stærð Hvar á að grípa niður í fækkun innflytjenda? Blóðbankinn á leið í Kringluna Nokkuð um hávaðaútköll Segja upp og draga úr útgáfu: Óvissan í rekstrinum „því miður aukist mikið“ Sjá meira
Fjölnir Sæmundsson, formaður Landssambands lögreglumanna, harmar að auglýsing þessara gömlu félagasamtaka, sem birtist í Morgunblaðinu í síðustu viku og varaði við neyslu kannabisefna, sé tengd við Landssambandið eða lögregluna sjálfa. Í Landssambandinu eru hin ýmsu lögreglufélög og er FÍFL talið upp sem eitt þeirra á heimasíðu sambandsins. Þegar Vísir ræddi við Fjölni um umrædda auglýsingu, sem hefur vakið mikla gagnrýni meðal annars fyrir að nota nafn Rauða krossins í leyfisleysi, áréttaði hann að Landssambandið hefði ekkert með hana að gera. Félagið vakið úr dvala „Það sem ég veit um þetta samband er að það var til hérna einu sinni þegar fíkniefnadeild lögreglunnar í Reykjavík var starfandi og er greinilega til enn þá. Þetta voru bara þeir sem voru í henni. Þeir virðast einhvern veginn enn vera í þessu félagi þó að fíkniefnadeildin sé ekki lengur til,“ segir hann. Miðlæg rannsóknardeild lögreglunnar fer nú með rannsókn fíkniefnabrota. Henni er skipt í tvennt; annars vegar kynferðisbrotadeild og hins vegar deild sem sinnir skipulagðri brotastarfsemi. „Á sínum tíma var þetta öflugt félag,“ segir Fjölnir um FÍFL. „Það gaf út fræðsluefni sem var notað í grunn- og framhaldsskólum um fíkniefni og áhrif fíkniefna og fór stundum inn í skólana með fræðslu.“ Og starfsemi félagsins virðist nú hafa verið endurvakin miðað við heilsíðuauglýsinguna sem birtist í Morgunblaðinu síðasta fimmtudag. Í auglýsingunni er varað við neyslu kannabis og efnið sagt geta valdið ótímabærum dauða. Varnaðarorð sambandsins taka aðeins lítinn hluta auglýsingarinnar því mestan part síðnanna taka lógó og nafnalisti hinna ýmsu fyrirtækja, samtaka og sveitarfélaga sem eru sögð styðja þessi skilaboð. Fjármagnið fer mest allt til einkafyrirtækis Í pósti sem FÍFL sendi út á fyrirtækin kemur fram að lógómerkin séu seld á 25 þúsund krónur en styrktarlína á átta þúsund. Opnuauglýsing í Morgunblaðinu kostar að jafnaði um 300 þúsund krónur, en miðað við fjölda þeirra fyrirtækja sem virðast hafa styrkt birtinguna má ljóst vera að FÍFL hefur safnað mun meira en 300 þúsund krónum. Meðal þeirra samtaka sem eru sögð styrkja auglýsinguna er Rauði krossinn en eins og greint var frá í gær kannast samtökin ekkert við að hafa samþykkt það. Í dag gagnrýndi svo Sigríður Dögg Auðunsdóttir, formaður Blaðamannafélags Íslands, FÍFL fyrir framsetningu styrktarbeiðninnar og taldi félagið hafa gabbað sig. Sjá einnig: BÍ telur FÍFL hafa haft sig að fífli. „Mér finnst nú leiðinlegt að það sé verið að tengja þetta við landssambandið eða lögregluna. Eins og hún sagði, formaður Blaðamannafélagsins, að hún hélt að hún væri að styrkja landssambandið eða lögregluna,“ segir Fjölnir og áréttar þannig að sambandið sem slíkt hafi ekki komið nálægt auglýsingunni. Samkvæmt fyrirtækjaskrá eru þeir Ólafur Guðmundsson, Þórbjörn Sigurðsson og Guðbrandur Hansson skráðir sem stjórnarformenn FÍFL. Ekki náðist í þá við vinnslu fréttarinnar. FÍFL hefur ráðið einkarekna fyrirtækið Íslenska lögregluforlagið til að safna styrktaraðilum í auglýsinguna fyrir sig og sagði Sigríður Dögg við Vísi í dag að hún hefði gengið úr skugga um að mikill meirihluti þeirra fjármuna sem Blaðamannafélagið hefði samþykkt að styrkja forvarnarstarfið um renni til þessa fyrirtækis. Þegar Íslenska lögregluforlaginu er flett upp í fyrirtækjaskrá kemur fram að eigendur þess séu: Óskar Bjartmarz, sem á reyndar 0 prósent hlut, Guðmundur Stefán Sigmundsson, sem einnig á 0 prósent hlut og síðan: Conrad A Fabritius de Tengnagel, sem á 100 prósent hlut. Óljóst er hver þessi Conrad er en hann er samkvæmt fyrirtækjaskrá búsettur í Danmörku og er með danskt ríkisfang. Þegar nafnið er slegið inn í leitarvél Google með hinum ýmsu íslensku hjálparorðum á borð við „fjárfestir“, „fjárfestingafélag“ eða hreinlega „Íslenska lögregluforlagið“ skilar það ekki öðrum niðurstöðum en um danskan kaupmann sem bar nafnið og var uppi á 18. öld. Á danskri leitarsíðu má þó sjá að í Danmörku er nú einn núlifandi C A Fabritius Tengnagel og er hann lögfræðingur og á lögfræðistofu og hluti í nokkrum dönskum fyrirtækjum. Hver tengsl hans við Ísland eru er óljóst eða hvers vegna hann á hundrað prósent hlut í Íslenska lögregluforlaginu. Rekstrartekjur þess voru rúmar 25 milljónir króna á síðasta ári. Fréttin var uppfærð með upplýsingum um lögfræðinginn Tengnagel.
Lögreglan Auglýsinga- og markaðsmál Tengdar fréttir BÍ telur FÍFL hafa haft sig að fífli Sigríður Dögg Auðunsdóttir formaður Blaðamannafélags Íslands telur Félag íslenskra fíkniefnalögreglumanna (FÍFL) hafa blekkt blaðamenn til þátttöku í umdeildri fíkniefnaauglýsingu. 22. júní 2021 11:23 Dóra Björt segir umdeilda fíkniefnaauglýsingu óboðlega Dóra Björt Guðjónsdóttir, borgarfulltrúi Pírata fordæmir auglýsingu sem Félag íslenskra fíkniefnalögreglumanna birtu í síðustu viku og telur afar vafaasamt að nafn Reykjavíkurborgar sé lagt við slíkan áróður. 22. júní 2021 14:02 Mest lesið Simmi lýsir áralöngu umsáturseinelti: Sat um hann í bílakjallara Innlent Tollarnir tilefni til hvorra tveggja örvæntingar og léttis Innlent Styttan tekin niður eftir harðar deilur um klúran barm Erlent Vörðuóðir ferðamenn fremji náttúruspjöll Innlent Tveir fluttir með þyrlunni og fjórir með sjúkrabíl Innlent Þrýstu á yngsta sakborninginn um að taka á sig alla sök Innlent Segist eiga fund með Pútín Erlent Fjarlægði nöfnin strax: „Ætlumst ekki til neins af þessu fólki“ Innlent Hvarf fyrir tæpum þrjátíu árum og fannst í hopandi jökli Erlent Ekki eigi að gera einstaklinga ábyrga fyrir gerðum ríkisstjórnar Innlent Fleiri fréttir Tollarnir tilefni til hvorra tveggja örvæntingar og léttis Simmi lýsir áralöngu umsáturseinelti: Sat um hann í bílakjallara Tveir fluttir með þyrlunni og fjórir með sjúkrabíl Vörðuóðir ferðamenn fremji náttúruspjöll Húsvíkingur á Norðurpólnum segir sögu merkustu landkönnuða 20. aldar Þrýstu á yngsta sakborninginn um að taka á sig alla sök Ákvörðun ráðherra muni seinka viðbragði við faröldrum framtíðar Þyrlan aftur á leið austur vegna umferðarslyss Ekki eigi að gera einstaklinga ábyrga fyrir gerðum ríkisstjórnar Tollahækkanirnar vonbrigði og þrýstir á um fund sem fyrst Forsætisráðherra ósátt með tolla og pólfarar á Húsavík Fyrirlestri ísraelsks fræðimanns aflýst eftir skamma stund Golfbolti hafnaði í manni „eftir óteljandi dæmi um óskiljanlega hegðun“ Tveggja bíla árekstur á Suðurlandi Svartaþoka gerir þyrlusveit í útkalli erfitt fyrir Innkalla sælgæti vegna köfnunarhættu Fjarlægði nöfnin strax: „Ætlumst ekki til neins af þessu fólki“ Öryggissérfræðingur hefur trú á boðuðum aðgerðum í Reynisfjöru Segir Höllu ekki skilja um hvað málið snýst Færa sig í Kringluna vegna bílastæðaskorts og framkvæmda Tollastríð, makríll og flutningur Blóðbankans Greina ekki frá tilkynntum kynferðisbrotum á Þjóðhátíð strax Segja Rafmennt auglýsa nöfn sín í blekkingarskyni Sektaður vegna kýr sem drapst á leið í sláturhús Minnsti þéttleiki makríls síðan 2010 Tveir skjálftar yfir þrír að stærð Hvar á að grípa niður í fækkun innflytjenda? Blóðbankinn á leið í Kringluna Nokkuð um hávaðaútköll Segja upp og draga úr útgáfu: Óvissan í rekstrinum „því miður aukist mikið“ Sjá meira
BÍ telur FÍFL hafa haft sig að fífli Sigríður Dögg Auðunsdóttir formaður Blaðamannafélags Íslands telur Félag íslenskra fíkniefnalögreglumanna (FÍFL) hafa blekkt blaðamenn til þátttöku í umdeildri fíkniefnaauglýsingu. 22. júní 2021 11:23
Dóra Björt segir umdeilda fíkniefnaauglýsingu óboðlega Dóra Björt Guðjónsdóttir, borgarfulltrúi Pírata fordæmir auglýsingu sem Félag íslenskra fíkniefnalögreglumanna birtu í síðustu viku og telur afar vafaasamt að nafn Reykjavíkurborgar sé lagt við slíkan áróður. 22. júní 2021 14:02