Draga alla hópana á morgun og raða niður í bólusetningarröð Vésteinn Örn Pétursson skrifar 3. júní 2021 14:09 Dregið verður um niðurröðun hópanna á morgun. Stöð 2 Á morgun verður dregið um hvernig hópar í handahófskenndri bólusetningarboðun á höfuðborgarsvæðinu raðast niður. Fyrirkomulagið verður því ekki með þeim hætti að hópar verði dregnir og boðaðir samstundis, heldur mun röð hópanna liggja fyrir. Á sjöunda hundrað manns voru bólusett með bóluefni Janssen í dag. Fleiri fengu boðun en skammtafjöldi leyfði að yrði bólusettur, en Ragnheiður Ósk Erlendsdóttir, framkvæmdastjóri hjúkrunar hjá Heilsugæslunni segir alvanalegt að fleiri séu boðuð en hægt er að bólusetja, svo hægt sé að klára efnið. „Af því að það má ekkert fara til spillis þá verður það að vera þannig,“ segir Ragnheiður. Þegar búið er að blanda bóluefnin og gera þau tilbúin til notkunar er endingartími þeirra ekki ýkja langur og þarf því að hafa hraðar hendur ef engu á að farga, líkt og gerst hefur. Klára að draga á morgun Sex hópar hafa þegar verið dregnir upp úr bólusetningarhattinum og fengið boðun í bólusetningu. Eins og áður hefur verið greint frá er hópum skipt upp eftir kyni og fæðingarári og hafa karlar fæddir 1999,1987 og 1978 og konur fæddar 1996, 1983 og 1982 þegar komið upp úr hattinum og fengið boðun. Ragnheiður segir að á morgun verði allir hóparnir dregnir og þeim raðað niður á bólusetningartíma eftir því hvenær þeir koma upp. Hún gerir ráð fyrir að dregið verði fyrir hádegi, um tíuleytið. Þannig mun liggja fyrir hvenær hvaða hópar verða boðaðir í bólusetningu. Ragnheiður segir ástæðuna fyrir því að hingað til hafi bara tveir hópar verið dregnir í einu vera að ekki hafi verið gert ráð fyrir að ráðast í handahófskenndar bólusetningar, sem hófust á þriðjudaginn. „Við sáum bara allt í einu eftir hádegi að það var ekki betri mæting, þannig að það var ekkert annað í boði en að skella okkur í að draga úr árgöngunum og við gerðum það. Það var síðan bara ekki tími eða svigrúm til að draga fleiri. Við ætlum að gera það í rólegheitum á morgun,“ segir Ragnheiður. Ragnheiður er framkvæmdastjóri hjúkrunar hjá Heilsugæslu Höfuðborgarsvæðisins.Vísir/Sigurjón Stefna ekki á samstarf við veðmangara Ragnheiður segir afar jákvætt hversu mikill áhugi er á fyrirkomulaginu og bólusetningum yfir höfuð. Til marks um hversu áfjáð fólk er í að láta bólusetja sig má benda á að fjöldi fólks sást koma hlaupandi í Laugardalshöll fljótlega eftir að tekið var að senda út skyndiboðanir í bólusetningu. „Fjölmiðlar hafa sýnt mikinn áhuga á því að fylgjast með þannig að við höfum bara gefið það út að við ætlum að gera þetta klukkan tíu hérna á skrifstofunni,“ segir Ragnheiður. Þá vakti athygli blaðamanns að veðmálaskrifstofan Coolbet kallaði eftir því á Twitter við Landlækni að dregið yrði í bólusetningar í beinni útsendingu, svo hægt væri að útbúa stuðla og leyfa fólki að veðja á hvaða árgangar kæmu næstir upp úr pottinum. Óhætt er að ætla að eitthvert spaug búi að baki beiðninni. Er möguleiki að hafa dráttinn alltaf live @landlaeknir svo við getum búið til stuðla fyrir hvern drátt? Með fyrirfram þökk, stuðladeild Coolbet💉— Coolbet Ísland (@CoolbetIsland) June 1, 2021 Í það minnsta hlær Ragnheiður að beiðninni, sem henni þykir koma úr óvæntri átt, og segir það ekki á dagskrá hjá Heilsugæslunni að fara í sérstakt samstarf við veðmangara. „Nei, ég sé það ekki fyrir mér,“ segir Ragnheiður og hlær við. Hún segir þó að áhugi fólks á handahófskenndu bólusetningunum hafi komið skemmtilega á óvart. Áhuginn hjálpi mikið við að hvetja fólk til að mæta og fá bólusetningu. Þess má þó geta að streymt verður beint frá því þegar dregið verður í bólusetningar á morgun hér á Vísi. Pfizer, AstraZeneca og Janssen í næstu viku Á vef Heilsugæslu höfuðborgarsvæðisins er útlistað hvernig bólusetningum verður háttað í næstu viku, og má sjá það hér að neðan: Þriðjudaginn 8. júní er Pfizer bólusetning. Þá er seinni bólusetning og haldið áfram með handahófs aldurshópa. SMS boð verður sent til þeirra sem býðst bólusetning þennan dag. Bólusett er 9:00 til 15.00 Miðvikudaginn 9. júní er AstraZeneca bólusetning. Þá er eingöngu seinni bólusetning. SMS boð verður sent til þeirra sem býðst bólusetning þennan dag. Bólusett er 9:00 til 14:00. Einnig mega þau koma sem sem fengu AstraZeneca fyrir 4 vikum eða meira ef nauðsynlegt er að flýta seinni skammti. Virkni eykst með lengri tíma milli skammta. Fimmtudaginn 10. júní er Janssen bólusetning. Þá er haldið áfram með starfsmenn í skólum. SMS boð verður sent til þeirra sem býðst bólusetning þennan dag. Bólusett er 9:00-14.00. Bólusetning er í boði fyrir: þau sem fá boð um að mæta þessa daga. þau sem eru fædd 1975 eða fyrr. þau sem tilheyra árgangshóp sem búið er að draga út. Þau sem hafa fengið boð sem þau hafa ekki nýtt sér. Þá segir að þau sem fái handahófskennt boð í bólusetningu, það er að segja þau sem tilheyra hópi sem þegar hefur verið dreginn, missi ekki rétt sinn til bólusetningar þrátt fyrir að komast ekki á tilsettum tíma. Bólusetningar Heilsugæsla Faraldur kórónuveiru (COVID-19) Mest lesið Föst á Spáni næstu mánuði vegna meðgöngukvilla Innlent Haft höggbor beint fyrir utan í hálft ár og kominn með nóg Innlent Refsing fyrir að reyna að myrða lækni þyngd Innlent Hátt spennustig um borð eftir að ísraelski sjóherinn hóf handtökur Innlent Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent Miklar breytingar á gjaldskrá leikskóla borgarinnar Innlent Tveggja vikna tvíburasystrum vísað úr landi Innlent Ragnhildur tekur við Kveik Innlent Thunberg meðal 500 handtekinna aðgerðasinna Erlent Tveir látnir og þrír alvarlega særðir eftir árás í Manchester Erlent Fleiri fréttir „Mér finnst þeir vera að taka frá mér lífið“ Rauk upp úr flugvél Jet2 Loka leikskóladeild á Stöðvarfirði vegna manneklu Nýjar tillögur falli á herðar vinnandi foreldra Eðlilegt að Ísland skoði að taka þátt Til umræðu að setja upp lokunarpósta við Fossvogsbrú Ragnhildur tekur við Kveik Blæs á sögusagnir um úthugsaða fléttu og ótti við að enda rúmliggjandi Vilja að fallið verði frá hækkun áfengisskatta „Þetta er auðvitað allt of lítið úrtak til að vera marktækt“ Refsing fyrir að reyna að myrða lækni þyngd Miklar breytingar á gjaldskrá leikskóla borgarinnar Nýr stjóri Icelandair vildi bara Airbus þegar hann stýrði Play Föst á Spáni næstu mánuði vegna meðgöngukvilla Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Hátt spennustig um borð eftir að ísraelski sjóherinn hóf handtökur Bein útsending: Opnunarmálstofa Menntakviku - Kennaramenntun í deiglunni Hraðamyndavélar settar upp við Þingvelli Hjóla í forseta ASÍ og segja hann afvegaleiða umræðuna Býður sig fram til áframhaldandi formennsku Þúsundir barna bíða og listarnir lengjast POTS-samtök fá lögfræðing í málið: „Margir eru rúmliggjandi í dag“ Sveitarstjóri Mýrdalshrepps vill verða ritari Frelsisflotinn stöðvaður og árás á bænahús gyðinga í Manchester Styttist í lok rannsóknar Rúmlega þrjátíu skjálftar á Vesturlandi „Brotamenn eru nú ekki oft miklir borgunarmenn“ Heimila gjaldtöku vegna fjarheilbrigðisþjónustu og útkalls án flutnings Haft höggbor beint fyrir utan í hálft ár og kominn með nóg Stímir óhrædd í gin ísraelska sjóhersins Sjá meira
Á sjöunda hundrað manns voru bólusett með bóluefni Janssen í dag. Fleiri fengu boðun en skammtafjöldi leyfði að yrði bólusettur, en Ragnheiður Ósk Erlendsdóttir, framkvæmdastjóri hjúkrunar hjá Heilsugæslunni segir alvanalegt að fleiri séu boðuð en hægt er að bólusetja, svo hægt sé að klára efnið. „Af því að það má ekkert fara til spillis þá verður það að vera þannig,“ segir Ragnheiður. Þegar búið er að blanda bóluefnin og gera þau tilbúin til notkunar er endingartími þeirra ekki ýkja langur og þarf því að hafa hraðar hendur ef engu á að farga, líkt og gerst hefur. Klára að draga á morgun Sex hópar hafa þegar verið dregnir upp úr bólusetningarhattinum og fengið boðun í bólusetningu. Eins og áður hefur verið greint frá er hópum skipt upp eftir kyni og fæðingarári og hafa karlar fæddir 1999,1987 og 1978 og konur fæddar 1996, 1983 og 1982 þegar komið upp úr hattinum og fengið boðun. Ragnheiður segir að á morgun verði allir hóparnir dregnir og þeim raðað niður á bólusetningartíma eftir því hvenær þeir koma upp. Hún gerir ráð fyrir að dregið verði fyrir hádegi, um tíuleytið. Þannig mun liggja fyrir hvenær hvaða hópar verða boðaðir í bólusetningu. Ragnheiður segir ástæðuna fyrir því að hingað til hafi bara tveir hópar verið dregnir í einu vera að ekki hafi verið gert ráð fyrir að ráðast í handahófskenndar bólusetningar, sem hófust á þriðjudaginn. „Við sáum bara allt í einu eftir hádegi að það var ekki betri mæting, þannig að það var ekkert annað í boði en að skella okkur í að draga úr árgöngunum og við gerðum það. Það var síðan bara ekki tími eða svigrúm til að draga fleiri. Við ætlum að gera það í rólegheitum á morgun,“ segir Ragnheiður. Ragnheiður er framkvæmdastjóri hjúkrunar hjá Heilsugæslu Höfuðborgarsvæðisins.Vísir/Sigurjón Stefna ekki á samstarf við veðmangara Ragnheiður segir afar jákvætt hversu mikill áhugi er á fyrirkomulaginu og bólusetningum yfir höfuð. Til marks um hversu áfjáð fólk er í að láta bólusetja sig má benda á að fjöldi fólks sást koma hlaupandi í Laugardalshöll fljótlega eftir að tekið var að senda út skyndiboðanir í bólusetningu. „Fjölmiðlar hafa sýnt mikinn áhuga á því að fylgjast með þannig að við höfum bara gefið það út að við ætlum að gera þetta klukkan tíu hérna á skrifstofunni,“ segir Ragnheiður. Þá vakti athygli blaðamanns að veðmálaskrifstofan Coolbet kallaði eftir því á Twitter við Landlækni að dregið yrði í bólusetningar í beinni útsendingu, svo hægt væri að útbúa stuðla og leyfa fólki að veðja á hvaða árgangar kæmu næstir upp úr pottinum. Óhætt er að ætla að eitthvert spaug búi að baki beiðninni. Er möguleiki að hafa dráttinn alltaf live @landlaeknir svo við getum búið til stuðla fyrir hvern drátt? Með fyrirfram þökk, stuðladeild Coolbet💉— Coolbet Ísland (@CoolbetIsland) June 1, 2021 Í það minnsta hlær Ragnheiður að beiðninni, sem henni þykir koma úr óvæntri átt, og segir það ekki á dagskrá hjá Heilsugæslunni að fara í sérstakt samstarf við veðmangara. „Nei, ég sé það ekki fyrir mér,“ segir Ragnheiður og hlær við. Hún segir þó að áhugi fólks á handahófskenndu bólusetningunum hafi komið skemmtilega á óvart. Áhuginn hjálpi mikið við að hvetja fólk til að mæta og fá bólusetningu. Þess má þó geta að streymt verður beint frá því þegar dregið verður í bólusetningar á morgun hér á Vísi. Pfizer, AstraZeneca og Janssen í næstu viku Á vef Heilsugæslu höfuðborgarsvæðisins er útlistað hvernig bólusetningum verður háttað í næstu viku, og má sjá það hér að neðan: Þriðjudaginn 8. júní er Pfizer bólusetning. Þá er seinni bólusetning og haldið áfram með handahófs aldurshópa. SMS boð verður sent til þeirra sem býðst bólusetning þennan dag. Bólusett er 9:00 til 15.00 Miðvikudaginn 9. júní er AstraZeneca bólusetning. Þá er eingöngu seinni bólusetning. SMS boð verður sent til þeirra sem býðst bólusetning þennan dag. Bólusett er 9:00 til 14:00. Einnig mega þau koma sem sem fengu AstraZeneca fyrir 4 vikum eða meira ef nauðsynlegt er að flýta seinni skammti. Virkni eykst með lengri tíma milli skammta. Fimmtudaginn 10. júní er Janssen bólusetning. Þá er haldið áfram með starfsmenn í skólum. SMS boð verður sent til þeirra sem býðst bólusetning þennan dag. Bólusett er 9:00-14.00. Bólusetning er í boði fyrir: þau sem fá boð um að mæta þessa daga. þau sem eru fædd 1975 eða fyrr. þau sem tilheyra árgangshóp sem búið er að draga út. Þau sem hafa fengið boð sem þau hafa ekki nýtt sér. Þá segir að þau sem fái handahófskennt boð í bólusetningu, það er að segja þau sem tilheyra hópi sem þegar hefur verið dreginn, missi ekki rétt sinn til bólusetningar þrátt fyrir að komast ekki á tilsettum tíma.
Bólusetningar Heilsugæsla Faraldur kórónuveiru (COVID-19) Mest lesið Föst á Spáni næstu mánuði vegna meðgöngukvilla Innlent Haft höggbor beint fyrir utan í hálft ár og kominn með nóg Innlent Refsing fyrir að reyna að myrða lækni þyngd Innlent Hátt spennustig um borð eftir að ísraelski sjóherinn hóf handtökur Innlent Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent Miklar breytingar á gjaldskrá leikskóla borgarinnar Innlent Tveggja vikna tvíburasystrum vísað úr landi Innlent Ragnhildur tekur við Kveik Innlent Thunberg meðal 500 handtekinna aðgerðasinna Erlent Tveir látnir og þrír alvarlega særðir eftir árás í Manchester Erlent Fleiri fréttir „Mér finnst þeir vera að taka frá mér lífið“ Rauk upp úr flugvél Jet2 Loka leikskóladeild á Stöðvarfirði vegna manneklu Nýjar tillögur falli á herðar vinnandi foreldra Eðlilegt að Ísland skoði að taka þátt Til umræðu að setja upp lokunarpósta við Fossvogsbrú Ragnhildur tekur við Kveik Blæs á sögusagnir um úthugsaða fléttu og ótti við að enda rúmliggjandi Vilja að fallið verði frá hækkun áfengisskatta „Þetta er auðvitað allt of lítið úrtak til að vera marktækt“ Refsing fyrir að reyna að myrða lækni þyngd Miklar breytingar á gjaldskrá leikskóla borgarinnar Nýr stjóri Icelandair vildi bara Airbus þegar hann stýrði Play Föst á Spáni næstu mánuði vegna meðgöngukvilla Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Hátt spennustig um borð eftir að ísraelski sjóherinn hóf handtökur Bein útsending: Opnunarmálstofa Menntakviku - Kennaramenntun í deiglunni Hraðamyndavélar settar upp við Þingvelli Hjóla í forseta ASÍ og segja hann afvegaleiða umræðuna Býður sig fram til áframhaldandi formennsku Þúsundir barna bíða og listarnir lengjast POTS-samtök fá lögfræðing í málið: „Margir eru rúmliggjandi í dag“ Sveitarstjóri Mýrdalshrepps vill verða ritari Frelsisflotinn stöðvaður og árás á bænahús gyðinga í Manchester Styttist í lok rannsóknar Rúmlega þrjátíu skjálftar á Vesturlandi „Brotamenn eru nú ekki oft miklir borgunarmenn“ Heimila gjaldtöku vegna fjarheilbrigðisþjónustu og útkalls án flutnings Haft höggbor beint fyrir utan í hálft ár og kominn með nóg Stímir óhrædd í gin ísraelska sjóhersins Sjá meira
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent