Hækkaður í tign innan Red Bull samsteypunnar og tekur við Leipzig

March er knattspyrnustjóri Red Bull Salzburg og heldur því áfram að starfa fyrir Red Bull fótboltasamsteypuna. Hann hefur bara verið hækkaður í tign.

Fyrr í vikunni var greint frá því að Nagelsmann tæki við Bayern München af Hansi Flick í sumar. Nagelsmann, sem er aðeins 33 ára, er á sínu öðru tímabili með Leipzig. Áður stýrði hann Hoffenheim.

March, sem er 47 ára, skrifaði undir tveggja ára samning við Leipzig sem er í 2. sæti þýsku úrvalsdeildarinnar. Hann þekkir vel til hjá félaginu en hann var aðstoðarþjálfari þess tímabilið 2018-19.

March hefur starfað fyrir Red Bull fótboltasamsteypuna undanfarin sex ár en áður en hann fór til Leipzig stýrði hann New York Red Bulls í Bandaríkjunum.

March gerði Salzburg að tvöföldum meisturum á síðasta tímabili og liðið gæti endurtekið leikinn í ár.