„Hafið við Vestmannaeyjar hefur tekið marga“ Hólmfríður Gísladóttir skrifar 26. febrúar 2021 06:16 „Þetta er náttúrulega bara eins og krabbamein á íslenska þjóðfélaginu og réttarsögunni að hafa ekki leyst þetta mál,“ segir Jón Ármann um Guðmundar- og Geirfinnsmál. Það verður að teljast ólíklegt að líkamsleifar sem komu í troll við Vestmannaeyjar árið 1980 séu Geirfinnur Einarsson. Spurningin er hvar þær eru niðurkomnar og hvers vegna þær hafa ekki verið rannsakaðar. Þetta sagði Jón Ármann Steinsson í samtali við Bítið á miðvikudagsmorgun en Vísir birti á dögunum grein eftir Jón þar sem hann rekur sérkennilega sögu umræddra líkamsleifa. Í greininni tengir hann fundinn við rannsókn lögreglu á dularfullum mannaferðum í Eyjum í kjölfar hvarfs Geirfinns, sem greint var frá árið 2019. „Þeir geymdu hauskúpu í 25 ár sem þeir fundu niður á söndunum í Ölfusá, sem síðan var dna-greind og þá kom í ljós að það var maður sem hafði horfið 1987. Það var mikill léttir fyrir aðstandendur. Og þetta mál er ekkert öðruvísi,“ sagði Jón í Bítinu. „Þeir“ eru lögregla en Jón segir óskiljanlegt að engin svör hafi fengist hjá henni hvar beinin sem sjómenn á Hásteini ÁR-8 drógu úr sæ væru niðurkomin, né að gerð hefði verið á þeim rannsókn. Grein Jóns: Hvílir Geirfinnur hér? Það er augljóst að margir hafa áhuga á málinu en frá því að greinin birtist hafa Jóni borist fleiri en 180 vinabeiðnir á Facebook, auk símatala og ábendinga. „Fólk hefur mikinn áhuga á þessu máli, því þetta er náttúrulega bara eins og krabbamein á íslenska þjóðfélaginu og réttarsögunni að hafa ekki leyst þetta mál,“ segir hann um Guðmundar- og Geirfinnsmál. Hann ítrekar þó að ólíklegt verði að teljast að beinin tilheyri Geirfinni, þar sem sex ár liðu á milli þess sem hann hvarf og þess að þau fundust. Hafa ekki heimild til frumkvæðisathuganna En hvað með að bera kennsl á líkamsleifarnar? Þessu var freistað að svara í Reykjavík síðdegis á miðvikudag. Fyrir svörum var Runólfur Þórhallsson, formaður kennslanefndar og aðstoðardeildarstjóri greiningardeildar ríkislögreglustjóra, en hann sagði nefndina ekki hafa heimildir til að ráðast í frumkvæðisathuganir. „Þetta er þannig að það eru lögregluembættin um allt land sem eru með rannsóknarforræði í öllum málum og það eru lögregluembættin sem óska eftir aðstoð kennslanefndar þegar upp koma mál,“ sagði hann. Tækninni hefði vissulega fleygt fram en forsenda þess að ráðist væri í athugun á borð við að rannsaka jarðneskar leifar, væri rökstuddur grunur. „Aðgát skal höfð í nærveru sálar,“ sagði Runólfur. „Vissulega er þetta mál búið að vera mikið í umræðunni en þarna eru aðstandendur sem eiga um sárt að binda. Þannig að ég held að málshátturinn okkar góði eigi bara mjög vel við.“ Runólfur sagði að jafnvel þótt kennslanefnd hefði verið stofnuð 1989 hefði hún safnað að sér upplýsingum um eldri mál eftir bestu getu og vitað væri að mannskæð sjóslys hefðu orðið við Vestmannaeyjar bæði 1979 og 1980. Spurður að því hvort hann teldi að beinin sem komu í trollið hefðu þá tilheyrt einhverjum sem fórust á sjó þessi ár sagðist hann ekki treysta sér til að segja neitt um það. „Ég bara bendi á þá staðreynd að hafið við Vestmannaeyjar hefur tekið marga.“ Guðmundar- og Geirfinnsmálin Lögreglumál Vestmannaeyjar Mest lesið Gekk nakinn í veg fyrir bíla á Suðurlandsvegi Innlent Fannst 73 árum eftir að hafa verið rænt Erlent Sænsk glæpagengi sendi fólk til Íslands Innlent Skiptast á eldflaugum í massavís Erlent Sæðisgjafar tilkynni það fjölskyldu sinni svo ekki verði „slys“ Innlent Tjóðraði móður sína við stól til að drepa eiginmann sinn Erlent Varpa sprengjum á fjölbýlishús í Karkív Erlent Jörðin fær tímabundið annað tungl Erlent Alþingismerkið hafi aldrei verið heilagt Innlent Mættu í flugbúningi á sveitaböllin og áttu séns Innlent Fleiri fréttir Gekk nakinn í veg fyrir bíla á Suðurlandsvegi Verður Þórsmörk þjóðgarður? Vill burt með rándýr, úrelt og óþarfa stimpilgjöld Vonar að sveitarfélögin leysi úr NPA-vandanum Alþingismerkið hafi aldrei verið heilagt Fjármögnun NPA-samninga og Bakgarðshlaupið í beinni Samgöngusáttmálinn, Yazan og loftlagsmál á Sprengisandi Slegist með vopnum við skemmtistað Mættu í flugbúningi á sveitaböllin og áttu séns Sænsk glæpagengi sendi fólk til Íslands Sæðisgjafar tilkynni það fjölskyldu sinni svo ekki verði „slys“ Lögreglumenn í veikindaleyfi vegna þungra mála Með banvænan sjúkdóm í stöðugri baráttu við Kópavogsbæ Mikill reykur eftir að gleymdist að slökkva á kerti Bið eftir NPA-þjónustu og eftirspurn eftir sæðisgjöfum Arnar Þór á leið í nýjan flokk Anton Sveinn McKee til liðs við Miðflokkinn „Spurðu svo fyrirtækið þitt af hverju það leggur fé í heimsendakölt“ Ekkert sem bendir til þess að sakborningum fjölgi Lífræni dagurinn er í dag Bein útsending: Heilabilun rædd á Alzheimerdegi Ekkert bendi til að sakborningum muni fjölga Telur fleiri falla á nýju bílprófi Maður margra storma íhugar stöðu sína Byssan reyndist leikfang Mamma bara María þegar mæðgurnar eru saman á vakt Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Sjá meira
Þetta sagði Jón Ármann Steinsson í samtali við Bítið á miðvikudagsmorgun en Vísir birti á dögunum grein eftir Jón þar sem hann rekur sérkennilega sögu umræddra líkamsleifa. Í greininni tengir hann fundinn við rannsókn lögreglu á dularfullum mannaferðum í Eyjum í kjölfar hvarfs Geirfinns, sem greint var frá árið 2019. „Þeir geymdu hauskúpu í 25 ár sem þeir fundu niður á söndunum í Ölfusá, sem síðan var dna-greind og þá kom í ljós að það var maður sem hafði horfið 1987. Það var mikill léttir fyrir aðstandendur. Og þetta mál er ekkert öðruvísi,“ sagði Jón í Bítinu. „Þeir“ eru lögregla en Jón segir óskiljanlegt að engin svör hafi fengist hjá henni hvar beinin sem sjómenn á Hásteini ÁR-8 drógu úr sæ væru niðurkomin, né að gerð hefði verið á þeim rannsókn. Grein Jóns: Hvílir Geirfinnur hér? Það er augljóst að margir hafa áhuga á málinu en frá því að greinin birtist hafa Jóni borist fleiri en 180 vinabeiðnir á Facebook, auk símatala og ábendinga. „Fólk hefur mikinn áhuga á þessu máli, því þetta er náttúrulega bara eins og krabbamein á íslenska þjóðfélaginu og réttarsögunni að hafa ekki leyst þetta mál,“ segir hann um Guðmundar- og Geirfinnsmál. Hann ítrekar þó að ólíklegt verði að teljast að beinin tilheyri Geirfinni, þar sem sex ár liðu á milli þess sem hann hvarf og þess að þau fundust. Hafa ekki heimild til frumkvæðisathuganna En hvað með að bera kennsl á líkamsleifarnar? Þessu var freistað að svara í Reykjavík síðdegis á miðvikudag. Fyrir svörum var Runólfur Þórhallsson, formaður kennslanefndar og aðstoðardeildarstjóri greiningardeildar ríkislögreglustjóra, en hann sagði nefndina ekki hafa heimildir til að ráðast í frumkvæðisathuganir. „Þetta er þannig að það eru lögregluembættin um allt land sem eru með rannsóknarforræði í öllum málum og það eru lögregluembættin sem óska eftir aðstoð kennslanefndar þegar upp koma mál,“ sagði hann. Tækninni hefði vissulega fleygt fram en forsenda þess að ráðist væri í athugun á borð við að rannsaka jarðneskar leifar, væri rökstuddur grunur. „Aðgát skal höfð í nærveru sálar,“ sagði Runólfur. „Vissulega er þetta mál búið að vera mikið í umræðunni en þarna eru aðstandendur sem eiga um sárt að binda. Þannig að ég held að málshátturinn okkar góði eigi bara mjög vel við.“ Runólfur sagði að jafnvel þótt kennslanefnd hefði verið stofnuð 1989 hefði hún safnað að sér upplýsingum um eldri mál eftir bestu getu og vitað væri að mannskæð sjóslys hefðu orðið við Vestmannaeyjar bæði 1979 og 1980. Spurður að því hvort hann teldi að beinin sem komu í trollið hefðu þá tilheyrt einhverjum sem fórust á sjó þessi ár sagðist hann ekki treysta sér til að segja neitt um það. „Ég bara bendi á þá staðreynd að hafið við Vestmannaeyjar hefur tekið marga.“
Guðmundar- og Geirfinnsmálin Lögreglumál Vestmannaeyjar Mest lesið Gekk nakinn í veg fyrir bíla á Suðurlandsvegi Innlent Fannst 73 árum eftir að hafa verið rænt Erlent Sænsk glæpagengi sendi fólk til Íslands Innlent Skiptast á eldflaugum í massavís Erlent Sæðisgjafar tilkynni það fjölskyldu sinni svo ekki verði „slys“ Innlent Tjóðraði móður sína við stól til að drepa eiginmann sinn Erlent Varpa sprengjum á fjölbýlishús í Karkív Erlent Jörðin fær tímabundið annað tungl Erlent Alþingismerkið hafi aldrei verið heilagt Innlent Mættu í flugbúningi á sveitaböllin og áttu séns Innlent Fleiri fréttir Gekk nakinn í veg fyrir bíla á Suðurlandsvegi Verður Þórsmörk þjóðgarður? Vill burt með rándýr, úrelt og óþarfa stimpilgjöld Vonar að sveitarfélögin leysi úr NPA-vandanum Alþingismerkið hafi aldrei verið heilagt Fjármögnun NPA-samninga og Bakgarðshlaupið í beinni Samgöngusáttmálinn, Yazan og loftlagsmál á Sprengisandi Slegist með vopnum við skemmtistað Mættu í flugbúningi á sveitaböllin og áttu séns Sænsk glæpagengi sendi fólk til Íslands Sæðisgjafar tilkynni það fjölskyldu sinni svo ekki verði „slys“ Lögreglumenn í veikindaleyfi vegna þungra mála Með banvænan sjúkdóm í stöðugri baráttu við Kópavogsbæ Mikill reykur eftir að gleymdist að slökkva á kerti Bið eftir NPA-þjónustu og eftirspurn eftir sæðisgjöfum Arnar Þór á leið í nýjan flokk Anton Sveinn McKee til liðs við Miðflokkinn „Spurðu svo fyrirtækið þitt af hverju það leggur fé í heimsendakölt“ Ekkert sem bendir til þess að sakborningum fjölgi Lífræni dagurinn er í dag Bein útsending: Heilabilun rædd á Alzheimerdegi Ekkert bendi til að sakborningum muni fjölga Telur fleiri falla á nýju bílprófi Maður margra storma íhugar stöðu sína Byssan reyndist leikfang Mamma bara María þegar mæðgurnar eru saman á vakt Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Sjá meira