Hættu saman eftir átta ára samband

Leikaraparið Olivia Wilde og Jason Sudeikis slitu samvistir fyrr á árinu eftir átta ára samband. Parið byrjaði saman árið 2011, trúlofaði sig ári seinna og eiga þau tvö börn saman.

Heimildarmaður People segir parið hafa hætt saman í byrjun árs og það hafi verið gert í góðu. Þau einblíni nú á uppeldi barna sinna og vilji gera það í sameiningu.

„Börnin eru forgangsmál og eru hjartað í sambandi fjölskyldunnar,“ sagði heimildarmaðurinn.

Parið kynntist í lokahófi Saturday Night Live og lýsti Sudeikis því samtali við Stephen Colbert að þau hefðu strax náð vel saman. Hann vissi þó að hún væri að hitta einhvern annan og var því ekkert að reyna við hana.

„Ég var bara upptekin af öðru þá stundina. Svo hætti ég allt í einu að vera upptekin af öðru og hún hætti að hitta hinn manninn, og við fórum á flug.“