Zlatan klúðraði víti en bætti það upp á 93. mínútu

AC Milan gerði 2-2 jafntefli við Hellas Verona á heimavelli í kvöld.

Antonin Barak skoraði fyrsta markið fyrir Hellas á sjöttu mínútu og þrettán mínútum síðar varð staðan 0-2 er Davide Calabria skoraði sjálfsmark.

Giangiacomo Magnani skoraði annað sjálfsmark leiksins er hann minnkaði muninn fyrir Mílan á 27. mínút með að setja boltann í eigið net.

Þannig stóðu leikar í hálfleik en á 66. mínútu fengu AC vítaspyrnu. Á punktinn steig Zlatan Ibrahimovic en klúðraði. Mílanómenn voru þó ekki hættir og á 93. mínútu jafnaði Zlatan metin. Lokatölur 2-2.

AC er því enn á toppnum með sautján stig, tveimur stigum meira en Sassuolo, en Hellas er í fjórða sætinu með tólf stig.