Átjánda andlátið vegna Covid-19 hér á landi

Sjúklingur á tíræðisaldri lést á Landspítalanum síðasta sólarhring vegna Covid-19.

Frá þessu greindi Þórólfur Guðnason, sóttvarnalæknir, á upplýsingafundi almannavarna og landlæknis í dag. Hann sendi aðstandendum hins látna samúðarkveðjur.

Er þetta átjánda andlátið vegna Covid-19 hér á landi síðan faraldurinn hófst.

Tíu manns létust í fyrstu bylgju faraldursins og átta manns hafa nú látist í þeirri bylgju faraldursins sem nú gengur yfir. Sjö hafa látist á síðustu níu dögum.

Fréttin hefur verið uppfærð.