Sundhöllinni á Selfossi lokað vegna covid-19 smits

Sundhöll Selfoss verður lokuð fram á miðvikudag eftir að starfsmaður sundlaugarinnar greindist með covid-19. Nokkrir starfsmenn til viðbótar hafa verið sendir í sóttkví. 

Lokunin tekur gildi í dag en vonast er til þess að hægt verði að opna aftur á miðvikudaginn, 21. október, eftir að niðurstöður úr skimun liggja fyrir að því er segir í tilkynningu á vef sveitarfélagsins Árborgar.

Þar segir að ákvörðunin hafi verið tekin í samráði við almannavarnir og gripið sé til þessa ráðs í því skini að gæta fyllsta öryggis í þágu gesta og annarra starfsmanna sundlaugarinnar.