Malbikun á Reykjanesbraut í kvöld

Stefnt er að malbikun á Reykjanesbraut í Hafnarfirði í kvöld frá klukkan átta og til eitt eftir miðnætti. Götunni verður lokað fyrir umferð í norðurátt frá hringtorginu við Lækjargötu að gatnamótum við Kaplakrika. Opið verður fyrir umferð í suðurátt.

Hjáleiðir verða um Lækjargötu, Fjarðargötu, Reykjavíkurveg, Flatahraun, Hlíðaberg og Hamraberg eins og sjá má á skýringarmynd frá Vegagerðinni að neðan.

Vegfarendur eru beðnir um að virða merkingar og hraðatakmarkanir og sýna aðgát við vinnusvæðin sem eru þröng og menn og tæki eru við vinnu mjög nálægt akstursbrautum.