Í beinni í dag: El Clásico og Aston Villa á Wembley

Það er nóg um að vera á sport rásum Stöðvar 2 í dag þó svo að nokkrum leikjum í ítölsku úrvalsdeildinni hafi verið frestað en alls sýnum við 12 viðburði í beinni útsendingu. Þar ber helst að nefna El Clásico í spænsku úrvalsdeildinni sem og úrslitaleik enska Deildarbikarsins þar sem Manchester City og Aston Villa mætast. Þá fer Domino´s deild karla aftur af stað eftir langt hlé.

Við byrjum daginn á Evrópumótaröðinni í golfi og um kvöldmatarleytið sýnum við frá PGA mótaröðinni.

Í spænska boltanum er toppslagur Real Madrid og Barcelona á dagskrá klukkan 20:00 en við verðum með ítarlega upphitun fyrir leikinn sem hefst klukkan 19:15 á Stöð 2 Sport. Börsungar eru á toppi spænsku deildarinnar eftir að hafa verið í eltingaleik við Real Madrid nær allt tímabilið. Takist Lionel Messi og félögum að landa sigri ná þeir fimm stiga forystu á toppi deildarinnar. 

Þá sýnum við einnig fjóra aðra leiki úr spænsku úrvalsdeildinni.

Úrslitaleikur enska Deildarbikarsins fer fram í dag á Wembley en þar mætast Manchester City og Aston Villa. Fyrir fram er reiknað með öruggum sigri City manna en Jack Grealish er til alls líklegur þegar hann mætir á Wembley.

Þá eru tveir leikir í beinni útsendingu í Domino´s deild karla. Valur fær Grindavík í heimsókn á Hlíðarenda í fyrri leik dagsins. Það er svo stórleikur í Njarðvík þegar sexfaldir Íslandsmeistarar KR mæta í Ljónagryfjuna.

Við sýnum aðeins einn leik í ítalska boltanum í dag en leikur Cagliari og Roma er á dagskrá klukkan 17:00. Stórleik Juventus og Inter Milan hefur verið frestað til 13. maí ásamt Sassuolo gegn Brescia og leik AC Milan gegn Genoa.

Allar beinar útsendingar Stöð 2 Sport og hliðarrása má finna á vef okkar.

Í beinni í dag

08:00 European Tour 2020 (Stöð 2 Golf)

10:50 Sevilla-Osasuna (Stöð 2 Sport 2)

12:55 Athletic Bilbao - Villareal (Stöð 2 Sport 2)

14:55 Espanyol - Atletico Madrid (Stöð 2 Sport 2)

16:20 Aston Villa - Manchester City, enski deildarbikarinn (Stöð 2 Sport)

16:50 Cagliari - Roma (Stöð 2 Sport 3)

17:20 Real Mallorca - Getafe (Stöð 2 Sport 4)

18:00 PGA Tour 2020 (Stöð 2 Golf)

18:20 Valur-Grindavík, Domino´s deild karla (Stöð 2 Sport 2)

19:15 Ofur sunnudagur - upphitun fyrir El Clásico (Stöð 2 Sport)

19:50 Real Madrid-Barcelona (Stöð 2 Sport)

20:10 Njarðvík-KR, Domino´s deild karla (Stöð 2 Sport 2)