Heiðar Logi leikur á als oddi í myndbandi Red Bull

Heiðar Logi Elíasson er einn þekktasti brimbrettakappi landsins. Hann starfar meðal annars sem fyrirsæta og leikur oft á tíðum í auglýsingum og þá sérstaklega á brimbrettinu.

Á dögunum birti Red Bull TV nýtt myndband eða stutta heimildarmynd þar sem fjallað er ítarlega um brimbretti á Íslandi. Í aðalhlutverki eru Heiðar Logi og ljósmyndarinn Erlendur Þór Magnússon.

Þekktir brimbrettamenn frá Ástralíu, Spáni, Írlandi og Bandaríkjunum voru einnig með þeim í sjónum.

Ljóst er að Ísland þykir núorðið sérstaklega góður staður fyrir brimbrettaiðkun en tekið er fram að jafnframt er þetta einn erfiðasti staður í heiminum til að stunda íþróttina. Stórar og flottar öldur sem og fallegt útsýni en þegar þessi grein er skrifuð hefur verið horft á myndbandið yfir 250 þúsund sinnum á YouTube.

Heiðar Logi mætti í Einkalífið í lok ársins 2018 og ræddi meðal annars um brimbrettaiðkun sína. Þar ræddi hann einnig um föðurmissinn sem tók töluvert á.