Góður svefn í gæðarúmi frá Rekkjunni

Góður nætursvefn er grundvöllur að ánægjulegum degi. Nú er hafin útsala í Rekkjunni, Ármúla 44 og tilvalið að festa kaup á hágæðarúmi. Afsláttur er á bilinu 20 til 50 %.

„Við bjóðum rúm á frábæru verði á útsölunni, meðal annars eigum við nokkur eintök af eldri gerðum af  amerísku heilsurúmunum frá King Koil á frábæru verði,“ segir Einar Herbertsson verslunarstjóri Rekkjunnar. „Hægt er að gera góð kaup á hjónarúmum frá 70.000  krónum og uppúr, þá erum við með ýmsar gerðir af stillanlegum rúmum á allt að 50 % afslætti.“

Úrval af góðum sængum og koddum er að finna í versluninni og þá skipta sængurfötin ekki minna máli fyrir góðan svefn.

„Við erum til dæmis með æðisleg lúxus lök frá þýska framleiðandanum Eberle í 28 litum, Bellana Deluxe. Lökin eru úr 95 % makó-bómull og 5 % elastine og smellpassa á allar stærðir rúma. Þessi lök eru ofboðslega mjúk og gríðarlega vinsæl hjá okkur. Flestir vilja eiga marga liti til að passa við mismunandi sængurföt, það má segja að lökin frá Eberle séu ávanabindandi,“ segir Einar.

Nánari upplýsingar á rekkjan.is

Þessi kynning er unnin í samstarfi við Rekkjuna.