Aðdróttanir um að starfsmenn Vegagerðarinnar hygli fyrrum vinnustöðum fráleitar Andri Eysteinsson skrifar 6. ágúst 2020 15:50 Vegagerðin neitar ásökunum og segir gagnsæi ekki hafa skort í forvalinu. Vísir Vegagerðin hefur gefið út yfirlýsingu eftir að kærunefnd útboðsmála felldi úr gildi ákvörðun Vegagerðarinnar, Reykjavíkurborgar og Kópavogsbæjar um val á þátttakendum í forvali hönnunarsamkeppni um brú yfir Fossvog. Sautján aðilar tóku þátt í forvalinu og voru sex þeirra valdir til frekar þátttöku í ferlinu en fimm aðilar, sem ekki komust að, kærðu niðurstöðuna í febrúar. Í kærunni var því haldið fram að tengsl tveggja starfsmanna við verkfræðistofuna Eflu hefði leitt til þess að stofan var ein þeirra sex sem urðu fyrir valinu. Þá segir í úrskurði nefndarinnar að forsendur sem ráða áttu stigagjöf undirflokka hafi verið verulega almennar og matskenndar og stuðst hafi verið við valforsendur sem ekki hafi verið upplýst um í forvalsgögnum. Vegagerðin hefur brugðist við niðurstöðunni og segir aðdróttanir um að starfsmenn Vegagerðarinnar hygli fyrrum vinnustöðum sínum vera fráleitar og úr lausu lofti gripnar. „Enda útlistar nefndin þetta einungis í yfirferð um málin en fellir ákvörðunina um valið úr gildi á þeim forsendum að um matskenndar stigagjöf sé að ræða,“ segir í yfirlýsingunni en málið snýr að tveimur fyrrum starfsmönnum Eflu en annar þeirra átti sæti í matsnefnd. Hann hafi hætt störfum hjá Eflu 2013 en hinn 2019. Sá hafi ekki átt sæti í matsnefnd heldur hafi hann komið að ákvörðun um að fylgja niðurstöðu matsnefndar ásamt fulltrúum sveitarfélaganna tveggja. Þá er bent á það í úrskurði nefndarinnar að viðurkennt sé í stjórnsýslurétti að fyrrverandi starfsmenn fyrirtækis séu ekki vanhæfir í málum er þeim við kemur. Hafna því að gagnsæi hafi skort Einnig hafnar Vegagerðin því að gagnsæi hafi skort við einkunnargjöf í forvalinu. Jafnræðis hafi verið gætt í hvívetna og mat lagt á hverja umsókn út frá málefnalegum sjónarmiðum ásamt þeim hlutlægu viðmiðum sem fram komu í skilmálum forvals. „Einkunnargjöfin var sett fram með hliðsjón af heildarmati á þeim umsóknum sem bárust og einkunn gefin í samræmi við skilmála forvalsins. Ef lýsing samsvaraði ekki kröfum forvalsgagna var einkunnin lakari en ella, sbr. skilmála forvalsins. Kærunefnd útboðsmála féllst ekki á málflutning verkkaupa í málinu og því varð niðurstaðan á þann veg að ákvörðun um val á þátttakendum skyldi felld úr gildi,“ segir í yfirlýsingu Vegagerðarinnar. Kærunefndin taldi forsenduliðina „Verktilhögun“, „Sýn á verkefnið“ og „fyrri reynsla“ vera verulega almenna og matskennda. „Að mati nefndarinnar er raunar vandséð hvernig gefa hafi átt stig fyrir það hversu vel umsóknir samsvöruðu kröfum forvalslýsingar, eins og grein 2.3 í forvalsgögnum gerði ráð fyrir, miðað við almenna lýsingu forvalsgagna um hvernig mat á umsóknum skyldi fara fram. Það er enda ljóst að þegar varnaraðilar lögðu mat á tillögur og gáfu þeim stig höfðu þeir greint þessa þrjá þætti nánar í tiltekna liði sem stig voru gefin fyrir, án þess þó að upplýst hefði verið um það í forvalsgögnum eða með öðrum hætti,“ segir í úrskurði kærunefndarinnar. Hönnunarsamkeppnin milli þeirra sex aðila sem hlutu brautargengi í janúar er ekki farin í gang og hefur umsækjendum forvalsins verið tilkynnt að ákvörðun tekin 24. Janúar hafi verið dregin til baka. „Frekari ákvörðun um framhald innkaupaferlisins verður tekin innan skamms og þátttakendum tilkynnt þar um,“ segir á vef Vegagerðarinnar. Samgöngur Stjórnsýsla Borgarlína Mest lesið Tálbeitan ákærð fyrir rangt brot Innlent Telja sig hafa fundið skipið sem skaut drónunum Erlent Létu sér andlát Hjörleifs í léttu rúmi liggja Innlent Hafði hvorki þekkingu né umboð til að tjá sig um fjármálin Innlent Vissu af auknum töfum en óraði ekki fyrir viðbrögðunum Innlent Lykillinn að kraftaverki að Birgir var frá Íslandi Erlent Samtök „gamalla karla“ sem sumum finnst „kúl“ Innlent Átján tegundir af sólarvörn teknar úr sölu í Ástralíu Erlent Ekki sama manneskjan eftir hörmungarnar á Gasa Innlent Magga Stína á leið til Gasa með Frelsisflotanum Innlent Fleiri fréttir Gæti stefnt í þungavigtarslag um varaformannsembættið Atvinnuþátttaka innflytjenda meiri en Íslendinga en fjárhagsstaða verri Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Viðreisn býður fram undir eigin merkjum í Árborg Ekið á hjólreiðamann og hann fluttur á bráðamóttöku Val á þingflokksformanni bíður betri tíma Tvö vilja byggja Fossvogsbrú en bæði yfir áætluðum kostnaði Tálbeitan ákærð fyrir rangt brot Ekki sama manneskjan eftir hörmungarnar á Gasa Skorar á ríkisstjórnina að fjármagna íslenskunám Eggert Benedikt settur forstjóri Hafró Samtök „gamalla karla“ sem sumum finnst „kúl“ Rafmagnslaust á Dalvík, Hrísey og nágrenni Hætt við sameiningu HA og Háskólans á Bifröst Bjóða Grindvíkingum á seiglunámskeið Fimmtungur getur ekki keypt afmælisgjafir fyrir börnin sín Reyna að bjarga starfseminni á Möltu og slæmar fregnir af makrílveiðinni Bein útsending: Loftslagsdagurinn Bein útsending: Staða launafólks á Íslandi Létu sér andlát Hjörleifs í léttu rúmi liggja Konur og háskólamenntaðir líklegri til að vilja frekari aðgerðir gegn Ísrael Bein útsending: Heilbrigðistæknilausnir og -þjónusta Biskup Íslands heimsækir Úkraínu Vissu af auknum töfum en óraði ekki fyrir viðbrögðunum Magga Stína á leið til Gasa með Frelsisflotanum Útköll vegna slagsmála Þurftu að finna lausn á uppskáldaðri hryðjuverkaárás á Íslandi Fossvogsbrúin sé álíka gáfuleg og að setja göngustíg í Reynisfjöru Sjá meira
Vegagerðin hefur gefið út yfirlýsingu eftir að kærunefnd útboðsmála felldi úr gildi ákvörðun Vegagerðarinnar, Reykjavíkurborgar og Kópavogsbæjar um val á þátttakendum í forvali hönnunarsamkeppni um brú yfir Fossvog. Sautján aðilar tóku þátt í forvalinu og voru sex þeirra valdir til frekar þátttöku í ferlinu en fimm aðilar, sem ekki komust að, kærðu niðurstöðuna í febrúar. Í kærunni var því haldið fram að tengsl tveggja starfsmanna við verkfræðistofuna Eflu hefði leitt til þess að stofan var ein þeirra sex sem urðu fyrir valinu. Þá segir í úrskurði nefndarinnar að forsendur sem ráða áttu stigagjöf undirflokka hafi verið verulega almennar og matskenndar og stuðst hafi verið við valforsendur sem ekki hafi verið upplýst um í forvalsgögnum. Vegagerðin hefur brugðist við niðurstöðunni og segir aðdróttanir um að starfsmenn Vegagerðarinnar hygli fyrrum vinnustöðum sínum vera fráleitar og úr lausu lofti gripnar. „Enda útlistar nefndin þetta einungis í yfirferð um málin en fellir ákvörðunina um valið úr gildi á þeim forsendum að um matskenndar stigagjöf sé að ræða,“ segir í yfirlýsingunni en málið snýr að tveimur fyrrum starfsmönnum Eflu en annar þeirra átti sæti í matsnefnd. Hann hafi hætt störfum hjá Eflu 2013 en hinn 2019. Sá hafi ekki átt sæti í matsnefnd heldur hafi hann komið að ákvörðun um að fylgja niðurstöðu matsnefndar ásamt fulltrúum sveitarfélaganna tveggja. Þá er bent á það í úrskurði nefndarinnar að viðurkennt sé í stjórnsýslurétti að fyrrverandi starfsmenn fyrirtækis séu ekki vanhæfir í málum er þeim við kemur. Hafna því að gagnsæi hafi skort Einnig hafnar Vegagerðin því að gagnsæi hafi skort við einkunnargjöf í forvalinu. Jafnræðis hafi verið gætt í hvívetna og mat lagt á hverja umsókn út frá málefnalegum sjónarmiðum ásamt þeim hlutlægu viðmiðum sem fram komu í skilmálum forvals. „Einkunnargjöfin var sett fram með hliðsjón af heildarmati á þeim umsóknum sem bárust og einkunn gefin í samræmi við skilmála forvalsins. Ef lýsing samsvaraði ekki kröfum forvalsgagna var einkunnin lakari en ella, sbr. skilmála forvalsins. Kærunefnd útboðsmála féllst ekki á málflutning verkkaupa í málinu og því varð niðurstaðan á þann veg að ákvörðun um val á þátttakendum skyldi felld úr gildi,“ segir í yfirlýsingu Vegagerðarinnar. Kærunefndin taldi forsenduliðina „Verktilhögun“, „Sýn á verkefnið“ og „fyrri reynsla“ vera verulega almenna og matskennda. „Að mati nefndarinnar er raunar vandséð hvernig gefa hafi átt stig fyrir það hversu vel umsóknir samsvöruðu kröfum forvalslýsingar, eins og grein 2.3 í forvalsgögnum gerði ráð fyrir, miðað við almenna lýsingu forvalsgagna um hvernig mat á umsóknum skyldi fara fram. Það er enda ljóst að þegar varnaraðilar lögðu mat á tillögur og gáfu þeim stig höfðu þeir greint þessa þrjá þætti nánar í tiltekna liði sem stig voru gefin fyrir, án þess þó að upplýst hefði verið um það í forvalsgögnum eða með öðrum hætti,“ segir í úrskurði kærunefndarinnar. Hönnunarsamkeppnin milli þeirra sex aðila sem hlutu brautargengi í janúar er ekki farin í gang og hefur umsækjendum forvalsins verið tilkynnt að ákvörðun tekin 24. Janúar hafi verið dregin til baka. „Frekari ákvörðun um framhald innkaupaferlisins verður tekin innan skamms og þátttakendum tilkynnt þar um,“ segir á vef Vegagerðarinnar.
Samgöngur Stjórnsýsla Borgarlína Mest lesið Tálbeitan ákærð fyrir rangt brot Innlent Telja sig hafa fundið skipið sem skaut drónunum Erlent Létu sér andlát Hjörleifs í léttu rúmi liggja Innlent Hafði hvorki þekkingu né umboð til að tjá sig um fjármálin Innlent Vissu af auknum töfum en óraði ekki fyrir viðbrögðunum Innlent Lykillinn að kraftaverki að Birgir var frá Íslandi Erlent Samtök „gamalla karla“ sem sumum finnst „kúl“ Innlent Átján tegundir af sólarvörn teknar úr sölu í Ástralíu Erlent Ekki sama manneskjan eftir hörmungarnar á Gasa Innlent Magga Stína á leið til Gasa með Frelsisflotanum Innlent Fleiri fréttir Gæti stefnt í þungavigtarslag um varaformannsembættið Atvinnuþátttaka innflytjenda meiri en Íslendinga en fjárhagsstaða verri Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Viðreisn býður fram undir eigin merkjum í Árborg Ekið á hjólreiðamann og hann fluttur á bráðamóttöku Val á þingflokksformanni bíður betri tíma Tvö vilja byggja Fossvogsbrú en bæði yfir áætluðum kostnaði Tálbeitan ákærð fyrir rangt brot Ekki sama manneskjan eftir hörmungarnar á Gasa Skorar á ríkisstjórnina að fjármagna íslenskunám Eggert Benedikt settur forstjóri Hafró Samtök „gamalla karla“ sem sumum finnst „kúl“ Rafmagnslaust á Dalvík, Hrísey og nágrenni Hætt við sameiningu HA og Háskólans á Bifröst Bjóða Grindvíkingum á seiglunámskeið Fimmtungur getur ekki keypt afmælisgjafir fyrir börnin sín Reyna að bjarga starfseminni á Möltu og slæmar fregnir af makrílveiðinni Bein útsending: Loftslagsdagurinn Bein útsending: Staða launafólks á Íslandi Létu sér andlát Hjörleifs í léttu rúmi liggja Konur og háskólamenntaðir líklegri til að vilja frekari aðgerðir gegn Ísrael Bein útsending: Heilbrigðistæknilausnir og -þjónusta Biskup Íslands heimsækir Úkraínu Vissu af auknum töfum en óraði ekki fyrir viðbrögðunum Magga Stína á leið til Gasa með Frelsisflotanum Útköll vegna slagsmála Þurftu að finna lausn á uppskáldaðri hryðjuverkaárás á Íslandi Fossvogsbrúin sé álíka gáfuleg og að setja göngustíg í Reynisfjöru Sjá meira