Handbolti

Ísland með Portúgal riðli í undankeppni EM 2022

Óskar Ófeigur Jónsson skrifar
Aron Pálmarsson og félagar í íslenska landsliðinu ætla sér að komast á EM 2022.
Aron Pálmarsson og félagar í íslenska landsliðinu ætla sér að komast á EM 2022. Vísir

Ísland lenti í riðli með Portúgal, Litháen og Ísrael þegar dregið var í undankeppni EM 2020 í dag. Strákarnir okkur ættu því að vera nokkuð sáttir með sinn riðil og þeir þekkja tvö þeirra ágætlega.

Íslenska landsliðið vann Portúgal í milliriðli á EM í janúar síðastliðnum og sló Litháen út úr umspili fyrir HM 2019.

Íslenska liðið var í fyrsta styrkleikaflokki í drættinum og slapp því við það að lenda í riðli með sterkustu Evrópuþjóðunum.

Undankeppni á að hefjast með tveimur leikjum hjá hverju liði í nóvember á þessu ári en heldur síðan áfram næsta vor og lýkur í maíbyrjun 2021. Úrslitakeppnin fer síðan frá 13. til 30. janúar 2022.

Efstu tvö liðin komast í lokakeppnina ásamt þeim fjórum liðum sem eru með bestan árangur í þriðja sætinu.

Alfreð Gíslason þjálfar þýska landsliðið og lenti í riðli með Austurríki, Bosníu og Eistlandi.

Erlingur Richardsson þjálfar hollenska landsliðið sem lenti í erfiðum riðli með Slóveníu, Póllandi og Tyrklandi.

Riðlarnir í undankeppni EM 2022

Riðill eitt

  • 1 Frakkland
  • 2 Serbía
  • 3 Belgía
  • 4 Grikkland
Riðill tvö
  • 1 Þýskaland
  • 2 Austurríki
  •  3 Bosnía
  • 4 Eistland

Riðill þrjú

  • 1 Tékkland
  • 2 Rússland
  • 3 Úkraína
  • 4 Færeyjar

Riðill fjögur

  • 1 Ísland
  • 2 Portúgal
  • 3 Litháen
  • 4 Ísrael

Riðill fimm

  • 1 Slóvenía
  • 2 Holland
  •  3 Pólland
  • 4 Tyrkland

Riðill sex

  • 1 Noregur
  • 2 Hvíta-Rússland
  • 3 Lettland
  • 4 Ítalía

Riðill sjö

  • 1 Danmörk
  • 2 Norður-Makedónía
  • 3 Sviss
  • 4 Finnland

Riðill átta

  • 1 Svíþjóð
  • 2 Svartfjallaland
  • 3 Rúmenía
  • 4 Kósóvó
EM 2020 í handbolta

Mest lesið


Fleiri fréttir

Sjá meira


×

Mest lesið