Mainz bað Klopp um að kaupa Werner strax

Twitter-síða þýska úrvalsdeildarliðið Mainz sló á létta strengi eftir að Timo Werner skoraði þrjú mörk gegn þeim um helgina en þetta er í annað skiptið á stuttum tíma sem Werner gerði Mainz lífið leitt.

Leipzig burstaði Mainz um helgina, 5-0, en hinn 24 ára gamli Werner hefur skorað 24 mörk í 27 leikjum á leiktíðinni. Hann hefur skorað sex mörk gegn Mainz á leiktíðinni.

Werner hefur verið orðaður við Liverpool en þar stýrir skútunni eins og kunnugt er Jurgen Klopp en Klopp stýrði áður Mainz. Því ákvað Mainz að spyrja hvort Klopp gæti ekki bara tekið hann strax.

Liverpool virðist þó ekki vera eina liðið sem er áhugasamt um að fá þýska framherjann til félagsins því Barcelona, Real Madrid og Chelsea eru einnig sögð fylgjast með framvindu mála hjá þeim þýska.

Greint var frá því í gær að Klopp hafi fundað með Werner í gegnum samskiptamiðla á tímum útgöngubannsins í Englandi en ekki hafa borist fleiri fregnir af því hvernig sá fundur á að hafa gengið.