Lífið

Sharon Stone hent út af stefnu­móta­for­ritinu Bumble

Atli Ísleifsson skrifar
Sharon Stone sló í gegn á níunda og tíunda áratugnum í myndum á borð við Basic Instrinct, Total Recall, The Mighty, The Specialist og Casino.
Sharon Stone sló í gegn á níunda og tíunda áratugnum í myndum á borð við Basic Instrinct, Total Recall, The Mighty, The Specialist og Casino. Getty

Bandaríska leikkonan Sharon Stone segir að lokað hafi verið á reikning hennar á stefnumótaforritinu Bumble.

Talsmaður Bumble segir að nokkrar ábendingar hafi borist um falskan reikning í nafni hinnar 62 ára leikkonu og að reikningnum hafi verið lokað fyrir mistök. Búið sé að opna reikninginn á ný.

Stone segir frá málinu á Twitter-síðu sinni þar sem hún biðlar til stefnumótsins að útiloka sig ekki frá „býkúpunni“, það er Bumble-samfélaginu.

Bumble var fljótt til svars og virkjaði reikninginn á ný.

Sharon Stone sló í gegn á níunda og tíunda áratugnum í myndum á borð við Basic Instinct, Total Recall, The Mighty, The Specialist og Casino.

Stone hefur tvívegis gengið í hjónaband, fyrst með framleiðandanum Michael Greenburg og svo blaðamanninum Phil Bronstein. Hún skildi við Bronstein árið 2004. Stone hefur áður rætt stefnumótalíf sitt og sagði í þætti James Corden að hún væri í makaleit. „Ég vil hafa þá hávaxna,“ sagði Stone þá.

Hollywood Samfélagsmiðlar


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.