Þessi fengu atkvæði í kjörinu á íþróttamanni ársins 2019

Kraftlyftingamaðurinn Júlían J. K. Jóhannsson fékk 378 stig í kjöri Samtaka íþróttafréttamanna á Íþróttamanni ársins 2019.

Júlían fékk 43 stigum meira en körfuboltamaðurinn Martin Hermannsson sem varð í 2. sæti í kjörinu. Sara Björk Gunnarsdóttir, íþróttamaður ársins 2018, varð í 3. sæti með 289 stig.

Sundmaðurinn Anton Sveinn McKee var fjórði og keilumaðurinn Arnar Davíð Jónsson fimmti. Þetta er í fyrsta sinn sem þeir eru á meðal tíu efstu í kjörinu á íþróttamanni ársins. Arnar Davíð er jafnframt fyrsti keilumaðurinn sem er á meðal tíu efstu.

Alls fengu 24 íþróttamenn stig í kjörinu á íþróttamanni ársins 2019. Listann í heild sinni má sjá hér fyrir neðan.

Tvö efstu liðin í kjörinu á liði ársins, kvennalið Vals í körfubolta og handbolta, fengu jafn mörg stig (58). Liðið í 3. sæti, karlalið Selfoss í handbolta, fékk aðeins einu stigi minna, eða 57.

Kvennalið Vals í körfubolta var í efsta sæti á fleiri atkvæðaseðlum en kvennalið Vals í handbolta og hlaut því nafnbótina lið ársins.

Óskar Hrafn Þorvaldsson fékk flest stig í kjörinu á þjálfara ársins, eða 53. Hann fékk fimm fleiri stig en Alfreð Gíslason. Patrekur Jóhannesson varð þriðji með 37 stig.

1. Júlían J. K Jóhannsson, kraftlyftingar – 378

2. Martin Hermannsson, körfubolti – 335

3. Sara Björk Gunnarsdóttir, fótbolti - 289

4. Anton Sveinn McKee, sund – 244

5. Arnar Davíð Jónsson, keila – 218

6. Aron Pálmarsson, handbolti – 158

7. Guðbjörg Jóna Bjarnadóttir, frjálsíþróttir – 98

8. Glódís Perla Viggósdóttir, fótbolti – 61

9. Guðmundur Ágúst Kristjánsson, golf – 55

10. Gylfi Þór Sigurðsson, fótbolti – 53

11. Már Gunnarsson, íþróttir fatlaðra – 30

12. Jóhann Skúlason, hestaíþróttir – 29

13. Helena Sverrisdóttir, körfubolti – 22

14. Ragnar Sigurðsson, fótbolti – 17

15. Haraldur Franklín Magnús, golf – 15

16. Arnór Þór Gunnarsson, handbolti – 13

17.-18. Íris Björk Símonardóttir, handbolti – 6

17.-18. Jón Axel Guðmundsson, körfubolti - 6

19.-20. Kolbeinn Sigþórsson, fótbolti – 5

19.-20. Jóhann Berg Guðmundsson, fótbolti – 5

21. Guðlaug Edda Hannesdóttir, þríþraut – 3

22. Elín Metta Jensen, fótbolti – 2

23.-24. Guðjón Valur Sigurðsson, handbolti – 1

23.-24. Margrét Lára Viðarsdóttir, fótbolti - 1

1. Kvennalið Vals í körfubolta – 58

2. Kvennalið Vals í handbolta – 58

3. Karlalið Selfoss í handbolta – 57

4. Karlalið Gróttu í fótbolta – 36

5. Karlalið KR í körfubolta – 20

6. Kvennalið Selfoss í fótbolta – 6

7. Karlalandslið Íslands í fótbolta – 5

8. Landslið Íslands í frjálsum íþróttum – 4

9.-10. Kvennalið Stjörnunnar í hópfimleikum – 3

9.-10. Kvennalandslið Íslands í fótbolta – 3

11. Karlalið KR í fótbolta – 2

1. Óskar Hrafn Þorvaldsson, þjálfari karlaliðs Gróttu í fótbolta – 53

2. Alfreð Gíslason, þjálfari Kiel í handbolta – 48

3. Patrekur Jóhannesson, þjálfari Selfoss í handbolta – 37

4. Vésteinn Hafsteinsson, kastþjálfari í frjálsum íþróttum – 32

5.-6. Ágúst Jóhannsson, þjálfari kvennaliðs Vals í handbolta – 23

5.-6. Darri Freyr Atlason, þjálfari kvennaliðs Vals í körfubolta – 23

7. Rúnar Kristinsson, þjálfari karlaliðs KR í fótbolta – 21

8. Þórir Hergeirsson, þjálfari norska kvennalandsliðsins í handbolta – 11

9. Arnar Gunnlaugsson, þjálfari karlaliðs Víkings í fótbolta – 2

10.-11. Aron Kristjánsson, þjálfari karlalandsliðs Barein í handbolta – 1

10.-11. Alfreð Elías Jóhannsson, þjálfari kvennaliðs Selfoss í fótbolta – 1