Bestu leikmenn Liverpool eru komnir til Katar en eftir standa ungir og óreyndir strákar sem þurfa að halda upp heiðri félagsins annað kvöld.
Blaðamaður frá Liverpool sem þekkir liðið vel hefur stillt upp mögulegu byrjunarliði Liverpool í átta liða úrslitum enska deildabikarsins á móti Aston Villa og það er athyglisvert svo ekki sé meira sagt.
Aðallið Liverpool er á leið til Katar þar sem liðið spilar í undanúrslitum heimsmeistarakeppni félagsliða á miðvikudagskvöldið. Leikurinn á móti Aston Villa fer fram á Villa Park á þriðjudagskvöldið. Leikurinn hefst klukkan 19.40 og verður í beinni á Stöð 2 Sport.
Liverpoool verður ekki aðeins án sinna tuttugu bestu manna í leiknum heldur eru tveir af þeim efnilegustu að glíma við meiðsli en það eru þeir Adam Lewis og Rhian Brewster.
One 16-year-old
— GiveMeSport Football (@GMS__Football) December 15, 2019
Three 17-year-olds
Three 18-year-olds
The oldest player is 22
Liverpool's line-up for the Carabao Cup is now clear - and it'll be a miracle if they win #LFChttps://t.co/ZJ4geOgPvR
Líklegt byrjunarlið Liverpool á móti Aston Villa:
Markvörður | Caoimhin Kelleher | 21 árs
Hægri bakvörður | Ki-Jana Hoever | 17 ára
Miðvörður | Sepp van den Berg | 17 ára
Miðvörður | Morgan Boyes | 18 ára
Vinstri bakvörður | Yasser Larouci | 18 ára
Miðjumaður | Pedro Chirivella | 22 ára
Miðjumaður | Herbie Kane | 21 árs
Miðjumaður | Isaac Christie-Davies | 22 ára
Hægri kantur| Harvey Elliott | 16 ára
Vinstri kantur | Luis Longstaff | 18 ára
Framherji | Layton Stewart | 17 ára
Það er síðan búist við því að Billy Koumetio, Tony Gallacher, Leighton Clarkson, Elijah Dixon-Bonner, Jake Cain, Fidel O’Rourke og Jack Bearne verði einnig í leikmannahópnum.
Neil Critchley mun stýra liðinu en hann er þjálfari 23 ára liðs Liverpool og þekkir því þessa ungu menn mjög vel.
Aston Villa hefur kannski aðeins unnið einn af síðustu sjö leikjum sínum en liðið fær gullið tækifæri til að komast í undanúrslitin á móti svona ungu og reynslulitlu Liverpool liði.
Það verður áhugavert hvernig muni ganga hjá þessu krakkaliði Liverpool og auðvitað hálfgert kraftaverk ef þeir kæmust áfram. Reynsla þeirra að spila svona leik verður aftur á móti seint metin til fulls.
