Síðustu viku hefur mikið verið rætt um hversu ójöfn Olís-deild kvenna er. HK kom hins vegar öllum á óvart með því að vinna Íslands- og bikarmeistara Vals, 24-31, á Hlíðarenda á sunnudaginn. Vafalaust óvæntustu úrslit tímabilsins.
„Ég er svo ánægður með HK. Þær tróðu sokk upp í nokkra aðila sem voru á villigötum með þessa umræðu sem hefur verið í þjóðfélaginu; að engin lið ættu möguleika í Val og Fram,“ sagði Jóhann Gunnar Einarsson í Seinni bylgjunni í gær.
„Nokkrar í HK-liðinu áttu nánast leik lífs síns á meðan það voru rosa margar hjá Val sem áttu ekki góðan dag. HK sendi skilaboð með þessum sigri. Þetta er risastórt fyrir HK.“
Díana Kristín Sigmarsdóttir átti frábæran leik fyrir HK og skoraði tíu mörk. Hún var valin leikmaður umferðarinnar hjá Seinni bylgjunni.
„Ég man eftir Díönu í yngri flokkunum í Fram og man hvað hún var skotföst. Ég held að hún sé nánast skotfastasti leikmaðurinn í deildinni. Hún er ógeðslega góð í seinni bylgjunni. Valur réði ekkert við hana,“ sagði Jóhann Gunnar.
Þrír aðrir leikir fóru fram í Olís-deild kvenna um helgina. Stjarnan og Haukar gerðu jafntefli, 22-22,ÍBV vann botnslaginn gegn Aftureldingu, 23-31, og Fram rústaði KA/Þór, 43-18.
Alla umræðuna um Olís-deild kvenna má sjá í spilaranum hér fyrir ofan.
Seinni bylgjan: HK sendi skilaboð með sigrinum á Val
Tengdar fréttir
Seinni bylgjan: Leikmenn sem ættu að skipta um lið í Olís-deildinni
Jóhann Gunnar Einarsson valdi fimm leikmenn sem ættu að skipta um lið í Olís-deild karla.
Fram skoraði 43 mörk gegn KA/Þór og ÍBV keyrði yfir Aftureldingu í síðari hálfleik
Tveimur leikjum er lokið í Olís-deild kvenna í dag. Silfurliðið frá því á síðustu leiktíð, Fram, rúllaði yfir KA/Þór og Afturelding er enn án stiga eftir tap gegn ÍBV á heimavelli.
Umfjöllun og viðtöl: Stjarnan - Haukar 22-22 | Stig á lið í Garðabænum
Stjarnan og Haukar skildu jöfn, 22-22, í hörkuleik í Garðabænum í kvöld.
Seinni bylgjan: Þegar ÍBV var með peninga var gaman í Eyjum og enginn að kvarta
Í Lokaskotinu í Seinni bylgjunni var rætt um ummæli Sigurðar Bragasonar, þjálfara ÍBV.
Hvetur unga leikmenn að finna sér lið þar sem þær fá spilatíma
Ester Óskarsdóttir, landsliðskona í handbolta, fagnar umræðunni um þróun leikmannamála í íslenskum kvennaíþróttum.
„Ég er ekki að búa til neinar afsakanir fyrir FH“
Spekingarnir í Seinni bylgjunni voru ekki sammála um afhverju FH hefði tapað gegn KA.
„Er það alltaf kennaranum að kenna ef krakkinn drullar á sig í stærðfræðiprófi?“
Strákarnir gerðu enn eina ferðina upp klaufalegan endi á leikjum Stjörnunnar.
Íslandsmeistararnir steinlágu fyrir HK að Hlíðarenda
Óvænt úrslit í Olís-deild kvenna í dag.
