Kallað á Kára í landsliðið

Guðmundur Þórður Guðmundsson, landsliðsþjálfari í handknattleik, hefur þurft að gera eina breytingu á leikmannahópi sínum vegna meiðsla.

Línumaðurinn Arnar Freyr Arnarsson hefur dregið sig út úr landsliðshópnum vegna meiðsla. Í hans stað hefur Guðmundur kallað á Kára Kristján Kristjánsson, línumann ÍBV.

Það er langt síðan Kári var valinn síðast í landsliðshópinn en nú fær hann annað tækifri.

Landsliðið hittist í Reykjavík þann 21. október en fimmtudaginn 24. október heldur hópurinn til Svíþjóðar þar sem leiknir verða tveir vináttulandsleikir gegn heimamönnum.

Fyrri leikurinn fer fram föstudaginn 25. október kl. 17.00 í Kristianstad og sá síðari sunnudaginn 27. október kl. 15:00 í Karlskrona.