Khabib hoppaði aftur úr búrinu | Myndband

Það fór um marga eftir bardaga Khabib Nurmagomedov og Dustin Poirier um nýliðna helgi er Khabib hoppaði úr búrinu beint eftir bardagann.

Hann gerði það líka eftir bardagann gegn Conor McGregor og þá til þess að lúskra á félögum McGregor. Þá aðallega á Dillon Danis.

Rússinn fékk háa sekt og níu mánaða keppnisbann fyrir þá uppákomu. Því skildi enginn hvað hann var að hugsa núna.

MADNESS @TeamKhabibpic.twitter.com/76d5GUt2xZ

— Dana White (@danawhite) September 7, 2019

Þá kom í ljós að hann var að grínast og stökk beint í faðm forseta UFC, Dana White, sem var mikið létt er hann sá að Khabib var ekki með neitt vesen.

Í kjölfarið fór Khabib að faðma vini sína. Hann er enn ósigraður eftir að hafa pakkað Poirier saman í bardaganum.