Auglýsingaveira hægir á símum

Rannsakendur netöryggisfyrirtækisins Symantec greindu frá því í skýrslu sinni í gær að tvö öpp á Play Store, appverslun Google, hefðu komið fyrir falinni auglýsingaveiru í forritum símum. Veiran gerði það að verkum að það hægðist á sýktu símunum, gagnanotkun stórjókst og rafhlöðunotkun sömuleiðis.

Öppin tvö heita Idea Note: OCR Text Scanner, GTD, Color Notes og Beuty Fitness: daily workout, best HIIT coach. Samanlagt náðu 1,5 milljónir Android-notenda í öppin á síðustu tólf mánuðum og er fjöldi sýktra síma því umtalsverður.

Samkvæmt rannsakendunum báru forritin öll einkenni þess að vera ósvikin og eðlileg. Þar af leiðandi reyndist afar erfitt að koma auga á að um svindl væri að ræða og þess vegna fengu forritin að vera óáreitt í appversluninni í um ár.