Sjáðu hvernig HK gekk frá KR í Kórnum og alla markasyrpu dagsins í Pepsi Max-deildinni

Átján mörk voru skoruð í leikjunum fjórum sem er lokið í Pepsi Max-deild karla í dag. Óvæntustu úrslitin og flestu mörkin komu í Kórnum.

Nýliðar HK gerðu sér lítið fyrir og skelltu toppliði KR í Kórnum. HK vann 4-1 sigur en staðan eftir tuttugu mínútur var 3-0 HK í vil.

Á Skipaskaganum sótti Breiðablik sinn annan sigur í röð í deildinni er þeir unnu 2-1 sigur á Akranesi. Öll þrjú mörkin komu á fyrstu tíu mínútunum.

KA vann lífsnauðsynlegan sigur fyrir norðan er liðið vann 4-2 sigur á Stjörnunni og Víkingur lyfti sér úr fallsæt með 3-1 sigri á lánlausu liði Eyjamanna.

Öll mörkin úr leikjum dagsins má sjá hér að neðan.