Maitland-Niles skoraði fáránlegt sjálfsmark þegar Arsenal tapaði fyrir Barcelona | Myndbönd

Barcelona vann 2-1 sigur á Arsenal í hinum árlega leik um Joan Gamper bikarinn á Nývangi í kvöld. Luis Suárez skoraði sigurmark Börsunga á lokamínútunni.

Arsenal komst yfir á 36. mínútu þegar Pierre-Emerick Aubameyang skoraði eftir sendingu frá Mesut Özil. Staðan var 0-1 í hálfleik, Skyttunum í vil.

Á 69. mínútu jafnaði Ashley Maitland-Niles fyrir Barcelona með afar klaufalegu sjálfsmarki. Hann ætlaði þá að gefa boltann til baka á Bernd Leno en það mistókst hrapallega og Maitland-Niles renndi boltanum í eigið mark.

69'GOOOOOOOOOOAAL!

Maitland-Miles in his own net.#GamperFest FCB 1-1 ARSpic.twitter.com/8P1aoItOIN

— FC Barcelona (@FCBarcelona) August 4, 2019

Suárez skoraði svo sigurmark Barcelona á lokamínútunni eftir sendingu frá Sergi Roberto.

GOOOOOAAALLL!

And it's a cracking finish from @LuisSuarez9 in the final minute!#GamperFest FCB 2-1 ARSpic.twitter.com/OxZrOnhVJu

— FC Barcelona (@FCBarcelona) August 4, 2019

Þetta var síðasti leikur Arsenal á undirbúningstímabilinu. Liðið sækir Newcastle United heim í 1. umferð ensku úrvalsdeildarinnar á sunnudaginn.