Óskar Örn jafnaði markamet KR í efstu deild

Óskar Örn Hauksson jafnaði í kvöld markamet KR í efstu deild er hann skoraði fjórða mark KR í 5-2 stórsigri á Grindavík í Pepsi Max-deildinni.

KR-ingar léku sér að Grindavík í kvöld en staðan eftir 55 mínútur var 3-0 áður en Oscar Cruz minnkaði muninn fyrir Grindavík.

Fjórða markið skoraði Óskar Örn en þetta var mark hans 62. mark í efstu deild fyrir Vesturbæjar-stórveldið. Þar með jafnaði hann Ellert B. Schram sem er einnig með 62 mörk.

Óskar hefur leikið með KR frá árinu 2007 við góðan orðstír en KR er kominn langleiðina með að vinna Pepsi Max-deildina þetta árið.

KR er með þrettán stiga forskot á toppi deildarinnar en einnig er liðið komið í undanúrslit Mjólkurbikarsins þar sem liðið mætir FH þann 14. ágúst.

Markahæstu leikmenn KR í efstu deild:

Ellert B. Schram - 62 mörk

Óskar Örn Hauksson - 62 mörk

Björgólfur Takefusa - 50 mörk